UZ

Сўнгги янгиликлар

17:43Винченцо Итальяно мавсум охирида клубдан кетади  0 17:25Альфонсо Дэвис "Бавария" билан янги шартнома имзоламайди  0 17:01"Бунёдкор" янги бош мураббий номини эълон қилди  11 16:20"Евро-2024"да ҳеч ким Англия билан тенглаша олмайди"  7 15:57"Қизилқум" "Локомотив" билан ўйин учун қайдномасини эълон қилди  0 15:44ПРО-Лига. Турнинг марказий учрашуви асосий таркиблари маълум  7 15:26Суперлига. 4-тур учрашувларини ўтказиб юборадиган футболчилар  4 15:10Маркус Рэшфорд Евро-2024га бора олмаслиги мумкин  1 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  1 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  5 13:44"Манчестер Юнайтед" "Реал" футболчисини сотиб олмоқчи  1 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  5 12:15Месси: "ЖЧ-2022да ғолиб бўлмаганимизда, мен терма жамоадан кетардим"  8 11:53Начо ва Васкес "Реал" билан шартномасини узайтиради  2

Бўлажак юлдузлари бор Норвегия Янгиликлар

Бўлажак юлдузлари бор Норвегия

Футбол оламига ошно бўлиб бораверар экансиз бирор жамоага мухлис бўлиб олгандан кўра, ҳолис бўлган ҳолда “миллионлар ўйини”га ошно бўлииш энг маъқули, менимча.

Фақат айни бир жамоани кузатиб, ундаги футболчиларни номма-ном санаб берадиган мухлисларимиз йўқ эмас орамизда, лекин бошқа минтақадан чиқаётган янги номларни билиб, уларни кузатиб, ўйинларини таҳлил қила олиш кам. Ёш иқтидорларни жуда ҳам тез кашф қилинишини кўпроқ Бразилияда учратамиз. Бироқ шундай футболчилар борки, иқтидорли, савияли, энди-энди кўзга кўриниб келяпти, лекин уларнинг туғилган мамлакатидаги ҳамма ҳам улардек фаолият олиб бора олмайди, шу боис терма жамоадаги натижалари мақтанарли эмас.

Акам билан ёшлигимиздан бир нарсани кўп ўйлардик, нега МЕГА ТОП даражадаги футболчиларнинг терма жамоасидаги футболчилар улар каби эмас, жамоа жиҳатдан супер эмас дея. Лионель Месси, Криштиану Роналду каби футболчилар Испания, Германия шарафини ҳимоя қилганида улар Жаҳон чемпиони бўлишлари мумкин эди. Райан Гиггзнинг ўша Жаҳон чемпионатида қатнашолмагани ўзига ҳам алам қилса керак. Ҳозирги кунда ҳам шундай футболчилар борки, уларнинг мамлакати терма жамоаси натижа эътибори билан шуҳрат қозона олмаган. Аммо улар ҳали ёш, тарихни ўзгартирса бўлади.



Сайтимиз вакили Фаҳриддин Рўзиев Йенс Петтер Хауге ҳақида ёзганини ўқиб бир фикрга келдим, Норвегияда янги ва яхши авлод ўсиб келяпти. Ўзингиз бир эътибор бериб кўринг, Мартин Эдегор, Эрлинг Холанд, Александер Сёрлот, Йенс Петтер Хауге ва бошқалар. Ҳа, номлар жуда ҳам кўп эмас, бироқ Аргентина, Уругвай, Португалия каби терма жамоаларнинг ҳам бутун таркиби номдор футболчилардан иборат бўлмасада, бири Европа чемпионати, Миллатлар лигасини ютяпти, яна бири ўз вақтида Жаҳон чемпионатида финалгача етиб бора олган.

Хауге ҳақида ёзилган мақолада эътиборимни тортган жиҳати Хауге ҳақида айтилган “еврофутболни титратаётган Эрлинг Холанднинг қанотда ўйнайдиган варианти” жумласи бўлди. Эрлинг Холандни U-20 Жаҳон чемпионатида Гондурас дарвозасига бир ўйинда киритган 9 та голи билан эслаб қолганман. Аслида бу ерда Холанднинг тўп киритиши унинг индивидуал иши эмас, унга албатта бутун жамоа ёрдам берган. Ўша ўйин 12:1 ҳисобида якунланган. Ҳеч қандай аҳамият касб этмайдиган, қайси маънодаки мазкур ўйиндаги ғалаба икки жамоани ҳам плей-оффга олиб чиқмаслиги аниқ эди, лекин 12:1 бу шунчаки ҳазилакам ҳисоб эмас, айниқса футболчиларни ўзини кўрсатиши мумкин бўлган Ёшлар ўртасидаги Жаҳон чемпионатида.



Бу воқеалар 5-6 йил эмас, ўтган йили бўлган мусобақада содир бўлган. Бир ўйинда 12 та тўп киритиши мумкин бўлган авлод ўсиб келмоқда. Холанд каби ўша даврдаёқ қай даражада эканлигини оммага кўрсатиб қўйганлар эса мана бугун дарвозабонларнинг “душмани” бўлиб улгурган. Мартин Эдегор бир неча йил ижарада ўйнаб юриб бу йилдан эътиборан “Реал Мадрид”да ва шунчаки машғулотга қатнашиб юргани йўқ. Зинедин Зидан унга эътибор беряпти, асосий таркибда майдонга туширяпти. Бугун ўзим учун кашф қилганим Петтер Хауге ҳам ишонинг Норвергия миллатининг умиди.

Миллатлар лигасида дастлабки йил ўтказилган мусобақада С лигада иштирок этиб, бу мавсум B лигага кўтарилишга эришди. Ҳа, аслида 2020 йилда ўтказилиши керак бўлган, лекин пандемия сабаб 2021 йилга қолдирилган Европа чемпионатида Норвегия терма жамоаси иштирок эта олмас, бироқ Ларс Лагербакнинг қўл остида яхши масаллиқ бор, улар ҳали ривожланяпти ва тўхтаб қолмоқчи ҳам эмас.



Месси етакчилигидаги Аргентина ЖЧ-2014 да финалгача боргани, Криштиану билан Евро-2016 да финалга чиққан Португалия ва айнан ўша финалда Роналду жароҳат олгани сабаб, балки айни у учун кўпроқ шижоат билан ўйнаб ютган Португалияни эслайлик. Улар ҳам бири Фигудан кейин, бири Марадонадан кейин бир муддат ўзига келолмай юрди. Норвегияда аввал ҳам ТОП даражадаги футболчи бўлмагандир, лекин энди ўсиб чиқаётган авлод билан олдинда турган мусобақаларга чиқиши ва натижа кўрсатиши мумкин, яшасак кўраверамиз бунисини. Миллатлар лигасида яхши иштирок этолмагани ёки Европа чемпионатида ўйнамаслиги фожеа эмас, олдинда Қатардаги ЖЧ турибди. Ахир “Golden boy”ни қўлга киритган Холанд, “Милан”, “Реал Мадрид”нинг асосий футболчиси бўлишга интилаётган футболчилар термаси билан натижага эришишни хоҳлашади-ку, шундай эмасми?! Буларнинг барчаси ИМХО.

P.S.: Фаҳриддин Рўзиев Хауге ҳақидаги мақоласини “Бир футболчи тарихи”дан ўтказиб ёзибди, Норвегия ҳақида гапириб ўйлаб қолдим, Хауге ҳақида-ку ёзилди, энди норвегиялик бошқа футболчининг тарихини ўрганишга ҳаракат қиламиз. Менимча кейинги сонда қайси футболчи очиб берилишини билдингиз…

Оғабек Самисов

Рейтинг: +12   

Фикрлар

championat.asia
< сўнгги янгиликларни кўриш
Яндекс.Метрика