UZ

Бизни дерби кутмоқда Янгиликлар

Бизни дерби кутмоқда

Бугун "Пахтакор" ва "Локомотив" ўртасида Суперлиганинг 1-тур қолдирилган учрашуви бўлиб ўтади.

Аслида бу ўйин 8 март куни ўтказилиши лозим эди, бироқ ҳар икки жамоанинг Осиё чемпионлар лигасидаги иштироки сабаб ПФЛ 16 март санасига қолдиришни маъқул кўрди. 

Энг кучли иккита клуб қарама-қаршилиги 

Шубҳасиз, "Пахтакор" ва "Локомотив" ҳозирги пайтда Ўзбекистоннинг энг кучли икки клуби бўлиб турибди. Айтиш мумкинки, Ўзбекистоннинг энг кучли футболчилари мана шу жамоалар таркибида жамланган. Шу томонлама ҳам бугунги беллашув ўзига яраша қизиқ кечиши кутиляпти. Энди бу қуръа - нима ҳам дердик, Суперлиганинг илк туридаёқ чемпионликка даъвогар жамоаларни бир-бирига қарши қилиб қўйди. Шу жиҳатдан ҳам бугунги ўйинга эътибор катта ва стадионга ташриф буюрадиган мухлисларнинг зерикарли ўйин кўрмаслиги кутилмоқда. 


Ўзгаришлар 

Мавсумлар оралиғида иккала жамоада бир қатор ўзгаришлар рўй берди. Хусусан "Пахтакор" сафини асосий таркибдан Камолиддин Тожиев, Жамшид Искандеров, Азим Аҳмедов, Тиаго Безерра, Исмоил Гонсалвеш, Акмал Шораҳмедов, Баҳром Абдураҳимов, Дилшод Раҳматуллаев каби футболчилар тарк этди. "Локомотив" билан эса Игнатий Нестеров, Кахи Махаредзе, Санжар Шоаҳмедов, Икром Алибоев, Садриддин Абдуллаев, Марат Бикмаев сингари асосий таркиб ўйинчилари хайрлашишди. 

"Пахтакор" ўз сафини дарвозабон Санжар Қувватов ("Насаф"), Марат Бикмаев ("Локомотив"), Садриддин Абдуллаев ("Локомотив"), Достон Ҳамдамов ("Анжи"), Акром Комилов ("Бунёдкор"), Сардор Собирхўжаев ("Бунёдкор"), Одил Ҳамробеков ("Насаф"), Жавоҳир Сидиқов ("Қўқонғ1912") каби футболчилар билан тўлдирган бўлса, "Локомотив" сафига Азиз Ҳайдаров ("Бунёдкор"), Жамшид Искандеров ("Пахтакор"), Филип Райевац ("Бунёдкор"), Йован Жокич (АГМК), Даврон Ҳошимов ("Навбаҳор"), Жавоҳир Илёсов ("Металлург"), Арслонмурот Аманов ("Бухоро"), Авазбек Ўлмасалиев ("Нефтчи") сингари футболчилар қўшилди. 


Марат Бикмаев 

Бугунги беллашувни "Пахтакор" ҳужумчиси Марат Бикмаев дисквалификация сабаб ўтказиб юборади. Маълумки, Бикмаев ўтган йил Суперлиганинг 31-турида "Локомотив" сафида айнан "Пахтакор"га қарши баҳсда спортчига хос бўлмаган ҳаракатни қилгани учун 2та ўйинга четлатилганди. Бикмаев ўтган йил Суперлиганинг охирги турида майдонга тушмади ва мана энди жорий мавсумдаги илк ўйинни ҳам ўтказиб юборади. 

Марат Бикмаевга алоҳида тўхталишимизнинг боиси у "Пахтакор" сафида тўртта ўйинда майдонга тушиб 4та гол урди. У ОЧЛ доирасида "Эйр Форс", "Ал Наср", "Персеполис" ва "Ал Аҳли" клубларига дарвозасига биттадан тўп киритди. Айтиш мумкинки, бугун Маратнинг йўқлиги "Пахтакор" учун жиддий йўқотиш бўлади.

 

Темурхўжа Абдухолиқов 

"Локомотив" мухлисларининг бу мавсум Темурхўжа Абдухолиқовдан умиди катта. Ўзбекистон чемпионатининг 2016 йилдаги энг яхши тўпурари бу йил Суперкубокда АГМК дарвозасига гол урди, шунингдек ОЧЛда "Ал Ваҳда" дарвозасига ҳам тўп киритди. Бундан ташқари сафарда "Ал Райан" билан кечган ўйинда айнан Темурхўжанинг тўп узатишидан сўнг рақиб дарвозаси ишғол қилинди. Бугунги беллашув Абдухолиқов ўзини кўрсатиши кутиляпти. 


Ўтган йилги қарама-қаршилик 

2018 йилги футбол мавсумида Суперлига янгича форматда ўтказилгани боис жамоалар ўзаро 4 марта ўйнашди. Биринчи босқичнинг биринчи даврасида "Локомотив" - "Пахтакор" учрашуви 0:0 ҳисобида якун топган. Шунингдек "Пахтакор" - "Локомотив" ўйинида ҳам дуранг қайд этилган 1:1. 

Иккинчи босқичда эса "Локомотив" ҳар икки беллашувда ғалаба қозонди. Жамоа сафарда 3:1 ва ўз майдонида 3:2 ҳисобида асосий рақибини мағлуб этди. Биринчи ўйинда "Локо" сафида Анзур Исмоилов, Марат Бикмаев, Сардор Мирзаев тўп киритган бўлса, майдон эгалари таркибида Фаррух Сайфиев гол урган. "Локомотив" стадионида кечган беллашувда эса Игорь Йелич, шунингдек Бикмаев икки бор рақиб дарвозасини ишғол қилган. Меҳмонлар сафида Драган Черан билан Тиаго Безерра гол муаллифи бўлган. 

Санжар Қувватов vs Жавоҳир Илёсов 

Ҳозир ҳар икки клуб дарвозасини янги дарвозабонлар қўриқламоқда. Қизиғи шундаки, Санжар Қувватов ҳам, Жавоҳир Илёсов ҳам "Машъал" академияси тарбияланувчилари ҳисобланади. Бугун иккала посбон ҳам ўз маҳоратини намоён этса ажаб эмас. 


Садриддин Абдуллаев vs Жамшид Искандеров 

Бу йил "Пахтакор" ва "Локомотив" ўртасида ўзига хос рокировка юз берди. "Локо" ярим ҳимоячиси Садриддин Абдуллаев "Пахтакор"га ўтди. Ўз навбатида "Пахтакор" футболчиси Жамшид Искандеров "Локомотив" либосини кийди. Ҳар икки футболчи ҳурматга лойиқ ўйинчилардан. 

Тўғри, уларнинг ўйнайдиган жойи ва вазифаси бирмунча фарқ қилади, лекин гўёки бугунги баҳсда улар бир-бирига қарши ҳаракат қиладигандек. Садриддин асосан "қора иш" билан шуғулланади, яъни рақиб ҳужумларини тўхтатиб қўйишга ҳаракат қилади. Жамшид эса эркин ижодкор сифатида ўйнашни хуш кўради. Иккала футболчида ҳам тўп узатиш маҳорати етарли. Бугунги ўйинда бу футболчилардан чиройли тўп узатишларни кўрсак ажаб эмас.


Жалолиддин Машарипов vs Сардор Мирзаев 

Бугунги беллашувда яна икки футболчига алоҳида эътибор қаратамиз. Булар - Жалолиддин Машарипов билан Сардор Мирзаев. Ҳар икки футболчи ўз жамоасида асосий етакчи ҳисобланади ва бу ўйинда уларнинг катта саҳнага чиқиши кутиляпти. Машарипов асосан алдамчи ҳаракатлари ва рақиб жарма майдонига тезкорлик билан ёриб кириши орқали ажралиб туради. Сардор Мирзаев эса ўзининг севимли чап қанотидан кириб бориб дарвоза томон зарба беришни ёқтиради. Айтиш мумкинки, кўп ҳолларда унинг зарбаси кучли ва аниқ чиқади. 

Муаллиф : Xayrulla Xoliqov
Рейтинг: +11   

Фикрлар

+9   
16 мар 10:41:28
futbolplus
Стадионга ҳамма борсин. Пахтакор ФК бу мавсум 3 йил кетма-кет чемпионликни бермаётган клубни енгиши шарт!

Ўйин ҳалол бўлсин!
+3   
16 мар 12:54:46
БОБО
Пахтакор Локомотив Бабаян 7-0
+3   
16 мар 11:20:43
PAXTAKOR,INTER,CR7,MYU
futbolplus фойдаланувчининг фикрига жавоб бериш
Стадионга ҳамма борсин. Пахтакор ФК бу мавсум 3 йил кетма-кет чемпионликни бермаётган клубни енгиши шарт! Ўйин ҳалол бўлсин!
Xudo xohlasa Yirik hisobda yutamiz
+3   
16 мар 11:20:01
PAXTAKOR,INTER,CR7,MYU
Paxtakor bugun Gʻalaba qozonadi Xudo xohlasa.4-1, meni taxminim.Paxtakorim betakrorim.Olga biz doim sen bilan...Fanatdoshla qani plus bosilachi Qancha ekanmiZ.Go Lions!!!
+2   
16 мар 12:36:07
Dosttonn
Бугунги уйинда Пахтокор га омад тилаб коламан
Чиройли галаба насб килсин
+2   
16 мар 10:25:23
NA
Nega bilet tekin deyishadidiyu shundoq metrodan chiqqanizda bezdek pulga sotishadi? Insofni shunchalik yeyishganmi yoki odamlarni shu qadar aldash oson bo'ldiki ular uchun?
+1   
16 мар 10:40:16
Rõyobbek_Karimov_Loko
NA фойдаланувчининг фикрига жавоб бериш
Nega bilet tekin deyishadidiyu shundoq metrodan chiqqanizda bezdek pulga sotishadi? Insofni shunchalik yeyishganmi yoki odamlarni shu qadar aldash oson bo'ldiki ular uchun?
Ular bletni tekinga olgan xaromxo'rlar tekin bletni bilmaganlarga sotishadi sodda odamlar kop ishonishadi bunaqa vaziyat faqat paxtakor stadionida boladi boshqa stadionlarda xam blet sotvotganla ildizi paxtakor muxlisli bup chiqadi kovlivirsa gap kop lekin foydasi yoq
+1   
16 мар 10:24:40
anti korrupsiya
U jamoadan bu jamoaga utkan futbolchilar bugun har doimgidek sobiq jamoasi muhlislarini yana "hurmat" qlib har xip qliqlar blan siylarmikin
+1   
16 мар 10:23:48
Chimyondan Husniddin
Superligamizga ko‘rishga arzigulik bitta o‘yin shu bo‘lsa kerak.
Bugun katta ehtimol bilan CHempion nomini bilib olamiz.
+1   
16 мар 10:02:23
Ilhom
"Машъал" академияси тарбияланувчилари hmm shunaqa deng Mash'aldan top o'yincila ciqadi doim. mavzuga oidmas. Paxtakor yutsinde ishqilib Marati o'rnida Sergeev yoki yosh hujumcila bor
   
16 мар 20:52:38
futbolplus
PAXTAKOR,INTER,CR7,MYU фойдаланувчининг фикрига жавоб бериш
Xudo xohlasa Yirik hisobda yutamiz
Дахшат, Черан 3-голни урганда ишонмагандим, кириб кетади деб! Стадонда кўриш бошқачада. Локо қўпол ўйнади.
   
16 мар 15:34:37
Дода
Пахтакорни ҳар бир юутиғи анти Пахтакорчилани инфаркка олиб келади кегин кегин кўникиб кетишади
   
16 мар 15:14:05
xolis fikr egasi
Rõyobbek_Karimov_Loko фойдаланувчининг фикрига жавоб бериш
Ular bletni tekinga olgan xaromxo'rlar tekin bletni bilmaganlarga sotishadi sodda odamlar kop ishonishadi bunaqa vaziyat faqat paxtakor stadionida boladi boshqa stadionlarda xam blet sotvotganla ildizi paxtakor muxlisli bup chiqadi kovlivirsa gap kop lekin foydasi yoq
T’orgi gapiz 100 foiz t’ogri.Biz o’tgan yili Paxtakor-Loko o’yiniga Paxtakor stadioniga sport t’ogaragimizdan 20 ta bola bilan bordik chunki bilet tekin deyilgandi.Metrodan chiqishda q’oliga bir dasta bilet ushlabolgan bola “aka,bilet olvolinglar b’olmasa qaytarvoradi ovora b’olasizlar orqaga qaytib” dedi.O’yinga kech qolayotgandik,narxi qancha desak “5 ming s’om” dedi.Xa mayli deb oldik.O’sha 20 ta boladan 10 tasini pul berishga qurbi yetmaydi ularga xam oldik.Kiraverishda bilsak bilet tekin va biletga xam “bepul” deb yozilgan.Shoshilganda qaramagan edik.Shuni Paxtakor klubi nazoratiga olishi kerak chunki bu stadionni darvoza atroflari mutlaqo bepul b’olishi kerak.Chunki zotan maydondan uzoq lekin bolalar va imkoniyati y’oqlarga b’olaveradi jon deb kiradi stadionga.
   
16 мар 15:08:32
Jalol
Dosttonn фойдаланувчининг фикрига жавоб бериш
Бугунги уйинда Пахтокор га омад тилаб коламан Чиройли галаба насб килсин
Канака Пахтакор Кундан колган 1 та уз дарвозабони йук уиинчиларни куииб куиинг .супер легадаги зур уиинчиларни териб олиб супер легани расво килди энди супер лега нима булади факат пойтахт уиинлари булади 20 та томошабин узларинг алохида чимпионат килларинг .хамма рози вилоятлар учун алохида лега ташкил килинглар санларда хамма шароит бор вилоятлардачи хеч бир нарса йук битта футбол бор эди уни хам йук килдиларинг энди вилоятла нима килсин санларнинг маглубиятингни худодон сураб утирсинларми .
   
16 мар 11:19:02
Nb-24
Кучлиси ютсин.УЗБЕКИСТОН даги футбол уйинлари кучли ракобат остида шиддатли, кизикарли булсин.
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг