Биринчи лигадаги “Аланга”ни ким бошқаради?

Ўтган мавсум бу жамоани Дилшод Андаев бошқарганди. Қолаверса, таркибнинг деярли 90 фоизини “Машъал” футбол мактаби тарбияланувчилари ташкил қилганди.

Лекин бу йил “Аланга” биринчиликда иштирок этгани билан ким бош мураббийлик қилиши ҳозирча номаълум бўлиб турибди. Маълумки, Дилшод Андаев яна Муборакка қайтиб, “Машъал-2”ни қабул қилиб олди. Натижада эгасиз қолган косонликларни ким бошқаради, деган савол қоляпти.

Бизга етиб келган хабарларга қараганда, асли косонлик Насим Шоимов “Аланга” бош мураббий сифатида кўрсатилаётган эди, бироқ Шоимовда ҳозирча фақат “С” лицензияси бор. Аммо биринчи лигада бош мураббий бўлиб ишлаш учун камида “В” лицензиясига эга бўлиш керак.

Шундай қилиб “Аланга”ни ким бошқариши ҳозирча номаълум бўлиб турибди. Аслида-ку, жамоанинг биринчи лигада қатнашишидан бирор фойда бормикин? Клуб раҳбарияти аввало шу масала хусусида ўйлаб кўрса зарар қилмасди.