UZ

Сўнгги янгиликлар

01:58"Барселона" агар Пьянич ўхшамаса, "Наполи" футболчисини олиб келмоқчи   1 01:35АПЛ. Коронавирус учун икки кунда 1 130 та тест топширилди   5 01:06“Бавария” кетма-кет 10 ўйинда ғалаба қозонди, тўплар фарқи – 32:5   0 00:43Левандовски 43 та гол уриб, шахсий рекордини такрорлади   3 00:15"Манчестер Юнайтед", ПСЖ, "Ювентус" ва "Интер" Райоланинг ёш мижозига қизиқмоқда   1 23:59Азиз Ғаниев ва Отабек Шукуров "Насаф"да  6 23:49Бундеслига. "Бавария" рақибларидан "ноёб" рекорд   0 23:26Бундеслига. "Бавария" "Фортуна"га жавобсиз бешта гол урди, Левандовскидан дубль   9 23:23Спортчилар ижтимоий тармоқларда  0 23:18"Барса" Артурни "Ювентус"га ўтишга кўндирмоқчи   7 23:16Карантин режимидаги Суперлига — ПФЛнинг махсус тартиби ҳақидаги баённома  7 23:13BREAKING NEWS! Ўзбекистон Суперлигасига 13 июнь куни рестарт берилади  15 22:59Olamsport: Майк Тайсон учун чемпионлик жанги, Жонс UFCдан кетиши билан таҳдид қилди ва бошқа хабарлар  0 22:40Суперлига клублари бош мураббийлари билан онлайн видеоконференция ташкил қилинди   4 22:19Депай жароҳатдан фориғ бўлди   0

Бир ўйин тарихи. Қўшимча бўлимларда ўчиб қолган чироқ, пенальтилар сериясидаги мағлубият. Ўзбекистон – Иордания учрашувини ёдга оламиз Янгиликлар

Бир ўйин тарихи. Қўшимча бўлимларда ўчиб қолган чироқ, пенальтилар сериясидаги мағлубият. Ўзбекистон – Иордания учрашувини ёдга оламиз

Мана неча йилдирки биз турли ёшдаги терма жамоаларимиз, миллий терма жамоамиз билан мақсадимизга, ниятимизга етишишимизга доим бир қадам қолганда қоқиламиз.

Ўша бир қадамнинг асл муаммоси биз учун ҳамон жумбоқлигича қолмоқда. Эсингизда бўлса, ЖЧ-2014 саралаш босқичида жуда яхши ўйин ва натижалар қайд этиб, якунда мундиал йўлланмасидан қуруқ қолгандик. Менимча, биз ўшанда ҳақиқатдан Жаҳон чемпионатига боришга муносиб эдик. Бироқ, бешафқат ва адолатсиз футбол орзуйимизга етдик деганда чиптани қўлимиздан тортиб олди.

Демак, бугун плей-офф доирасида ўтказилган, биз учун аламли тугаган Иорданияга қарши беллашув ҳақида тўхталамиз.



Плей-оффга қадар вакилларимиз ўта қийин ва машаққатли йўлни босиб ўтишганди. Қатар, Эрон, Жанубий Корея, Ливан каби рақиблар билан муносиб курашган ҳолда мундиалга лойиқ эканликларни кўрсатишганди. Аслида, сўнги турда ўзимизда бўлиб ўтадиган Қатар билан учрашувда барча масалани ҳал қилишимиз керак эди. Бироқ, бизга ўшанда битта гол етишмаганди. Параллел кечган нариги учрашувда эса Жанубий Корея ўз майдонида Эронга ғалабани совға қилганди. Гарчи, биз 5:1 ҳисобида Қатарни мағлубиятга учратган бўлсакда бу етарли бўлмайди. Очколаримиз Кореяники билан тенг бўлганига қарамасдан тўплар нисбатига кўра улар иккинчи ўрин билан Жаҳон чемпионатига йўл олишади. Миллий жамоамиз эса учинчи ўрин билан плей-оффга чиқади. Барибир, бу босқичдан ўтган тақдиримизда ҳам Америка қитъаси вакили Уругвай билан тўқнаш келишимиз эҳтимоли юқори эди. Суарес, Форлан, Муслера каби юлдузларга тўла терма жамоа тўсиғидан ўта олмасакда ўзига хос тарих яратган бўлар эдик.

Бу пайтга келиб Иорданияда ҳам мураббий ўзгарган, узоқ вақт термани бошқарган Аднан Ҳамад қониқарсиз натижалар сабаб ўрнини мисрлик Хусам Хасанга бўшатишга мажбур бўлганди. Ушбу мураббий қисқа вақт ичида жамоани Ўзбекистонга қарши ўйинга тайёрлаши керак эди. Мазкур босқичда Миржалол Қосимов бир нечта тажрибали футболчиларни хизматидан фойдаланмасликка қарор қилди. Уларнинг ўрнига Егор Кримец, Жамшид Искандеров, Игорь Сергеев, Иван Нагаев каби каби футболчилар таклиф этилди. Таркибимизда яна бир жиддий йўқотиш юзага келганди. Игнатий Нестеров бир неча ой олдин орттириб олган жароҳатидан ҳали тузалмаганди. Шунинг учун унинг ўрнини Мурод Зуҳуров билинтирмасликга ҳаракат қилди. Аммо, олдиндаги ўйинларда барибир Нестеровнинг йўқлиги билиниши табиий саналарди. Аммандаги учрашувда футболчиларимиз тенгма-тенг ўйнаган ҳолда ортларига дуранг натижа билан қайтишди. Ҳар ҳолда сафардан дуранг билан қайтиш мағлубиятдан кўра яхшироқ эди. Тошкентда эса ҳамюртларимизни янада оғир жавоб учрашуви кутарди.



Таркибда ўтган ўйинларга қараганда сезиларли даражада ўзгаришларга қўл урилганди. Бақоев, Гейнрих каби ҳужумчиларимиз бу сафар қайдномадан ўрин олмади. Ваҳоланки, муҳим паллаларда тажриба биринчи навбатда қўл келарди. Бақоевни ўрнида Қатар билан ўйинда иккита гол урган Баҳодир Насимов ҳаракат қилди. Марказий ҳимояда сафардаги ўйинда ўзини кўрсата олмаган ва биринчи бўлимдаёқ алмаштирилган Егор Кримец эмас балки, Ислом Тўхтахўжаев асосий таркибда ўйинни бошлайдиган бўлди. Умуман олганда Миржалол Қосимов жанговар таркибни майдонга туширди дейишимиз мумкин.

Беллашувни ҳужумкор руҳда бошлаган футболчиларимиз бешинчи дақиқага келиб ҳисобни очишга муваффақ бўлишганди. Сервер Жепаровнинг жарима зарбасидан узатиб берган тўпини ўзининг терма жамоадаги 50-учрашувини ўтказаётган Анзур Исмоилов Амир Шафи қўриқлаётган дарвозага аниқ йўллайди - 1:0. Бир томондан бу гол умид бағишласада, бошқа томондан зараримизга ишларди. Бунинг оқибатида терма жамоамиз хотиржамликка берилди. Ҳужумлар сонини камайтирди. Қайсидир маънода натижани сақлаб қолиш илинжида ўйинни давом эттиришди десак муболаға бўлмайди.



Лекин, ҳали бунга жуда эрта ҳисобланарди. Бўлим охирларига келиб рақиб футболчилари қанотдан ҳужум уюштиришди. Ўзбекистонлик футболчиларнинг тартибсиз ҳаракатлари натижасида ҳужум марказга кўчди. Марказда тўпни жамоадошларидан қабул қилиб олган Саид Муржан кучли зарба билан Зуҳуров дарвозасини аниқ нишонга олди - 1:1. Посбонимиз эса рақибининг зарбасини ҳар қанча уринмасин қайтара олмади. Бизникилар баҳснинг асосий вақтида кейинги босқич масаласини ижобий ҳал қилимоқчи эканликлари билиниб турарди. Шу сабабдан Қосимов иккинчи бўлимда майдонга ёш ва ҳали етарлича тажрибага эга бўлмаган Игорь Сергеевни қанот вингери Жасур Ҳасановга алмаштиради. Эндиликда термамиз тактик-схемани ўзгартириб икки марказий ҳужумчи билан ўйнашни бошлайди. Бироқ, иорданияликлар эҳтиёткорликка урғу қаратиб, қарши ҳужумларда ўз имкониятларини кутадилар. Учрашувнинг асосий вақтида ҳисоб ўзгармагач австралиялик ҳакам Бенжамин Уильямс экстра-таймларга чорлайди.
Футболчилар жисмоний жиҳатдан толиқиб қолишган, юқори темп билан бир текис ўйин намойиш этишга куч топишлари қийин эди. Шунда ҳам ҳужумкорликни тўхтатмаган ҳамюртларимизда бир нечта хавфли вазиятлар яратади. Иван Нагаев, Виталий Денисов сингари тезкор футболчиларимиз рақиб ҳимоясини ёриб ўтишга уриниб кўришди. Бироқ, бари самарасиз кетаверди. Ўйин тизгинини ва назоратини ушлаб турган пайтимизда стадион чироқлари маълум бир техник сабабларга кўра ўчиб қолди. Бу эса ҳужум қилаётган жамоанинг зарарига ишлар, темпни тушишига сабаб бўларди.



Аммо, якунда барибир икки терма жамоа ғолибни аниқлаш мақсадида пенальтилар сериясига мурожаат қиладиган бўлди. Биздан биринчи бўлиб нуқтага яқинлашган Одил Аҳмедов зарбани йўллашда адашди, тўп дарвоза устунига тегиб қайтди. Кейинчалик, рақиб футболчиси ҳам бир бор зарбани хато амалга оширди. "Футбол лотореяси"да ҳам тенглик кузатилаётгани сабаб якун қандай бўлиши кўпчиликни қизиқтирарди. Аксига олиб шу куни дарвозани қўриқлаган Зуҳуров биронта зарбани қайтара олмайди. Иорданиялик футболчи тўққизинчи зарбани аниқ дарвозага йўллади. Анзур Исмоилов ҳам гол урса серия давом этади, акс ҳолда ўйин тугарди. Ҳимоячимизнинг зарбасини рақиб посбони Амир Шафи қайтарди ва жамоасининг ғалабасини таъминлади. Бу бизнинг ЖЧ-2006 саралашидан кейинги навбатдаги омадсизлигимиз эди. ЖЧ-2010 квалификацион ранудида эса Ўзбекистон гуруҳда сўнгги ўринни банд этганди.



ЖЧ-2014 саралаш босқичи. Плей-офф.
Ўзбекистон – Иордания – 1:1 (Пенальтилар сериясида 8:9).
10.09.2013. Тошкент. “Пахтакор” стадиони. 25621 томошабин.
Бош ҳакам:
Бенжамин Уильямс.
Голлар: Анзур Исмоилов, 5 – Саид Муржан, 42.
Пенальтилар серияси: Анас Бани Ёсин 0:1, Одил Аҳмедов ноаниқ (дарвоза устунига тегиб қайтди), 0:1, Одай Сайфи 0:2, Сервер Жепаров 1:2, Абдулла Диб, 1:3, Темур Кападзе, 2:3, Саид Муржан 2:4, Ислом Тўхатхўжаев, 3:4, Аҳмад Ҳайел Иброҳим ноаниқ, 3:4, Игорь Сергеев, 4:4, Аднан Сулаймон, 4:5, Акмал Шораҳмедов, 5:5, Муҳаммад Мустафо, 5:6, Виталий Денисов, 6:6, Амир Диб, 6:7, Иван Нагаев, 7:7, Одай Захран 7:8, Санжар Турсунов, 8:8, Муҳаммад Дмейри 8:9, Анзур Исмоилов, ноаиқ (дарвозабон қайтарди).
Ўзбекистон: Мурод Зуҳуров, Анзур Исмоилов, Виталий Денисов, Ислом Тўхтахўжаев, Акмал Шораҳмедов, Темур Кападзе, Одил Аҳмедов, Сервер Жепаров, Олег Зотеев (Санжар Турсунов, 44), Жасур Ҳасанов (Игорь Сергеев, 59), Баҳодир Насимов (Иван Нагаев, 82).






Абдулазиз Искандаров тайёрлади.

Учрашув расмларни тақдим этгани учун ЎФА фотографи Ҳасан Пирмуҳаммедовга миннатдорчилик билдирамиз.

Рейтинг: -10   

Фикрлар

+5   
18 май 16:07:00
piramida
Kelib kelib shu payt ochadimi? Uncha munchaga ochmasdiyu chempionat oyinlaridayam. Savdo zo'r bogandirda. Iordaniyani shayxi OFK prezidenti edi osha payt, agar haliyam bomasa
+4   
18 май 16:53:09
Nabijon Murotov
Futbol 120 daqiqa o'ynaladgan va oxirida penaltilar seriyasida O'zbekiston tj yutqazadgan o'yin!
+4   
18 май 15:04:58
Man_Utd Norin
Sharmandali o'yin lekn Iordaniyani yutgandayam baribir sharmanda bo'lardi keyingi o'yinda
+3   
18 май 16:26:54
zek
Xacaxa kimdir ishandimi svet uchkaniga bunga usha axmoqla ishonsa ishonadi boshqalar emas ana lata q...t.. q uyinchila charchaganiga atayin uchirilgan eee bizzikila borolmaydi qadrli yurtdoshla borishini manam xoxlayman tarkibda odil bn shomurodov bor xalos qolgani loko bn paxtani bollari kuchlik ammo kup yigurolmaydi charchaydi asabbi asrash kerak man umidimmi uzganman ishonmayman boshqa davlatlada ichki chempionat rivojlanip ketti bizda esa aksii boshqa kkub kuchayolmaydi paxtakorri zaxirasini kuchaytirishadi xalos bizda boshqa klub ochl da uynashka xaqqi yoq faqat poytaxt uynashi kerak raqobatta poytaxtka xakamlayam kumaklashsa qanaqa raqobat buladi ichki raqobat kuchaysa kegin klublardan chertip chertip termaga tervolinadi bumasam 40 yilda xam chiqolmaydi
+2   
18 май 17:24:35
RADIKALIST
O'yinni stadiondan ko'rganman. Uzbdan Ahmedov va Anzur urolmagan. Eng yaxshi o'ynagan o'yinchi Vitaliy Denisov bo'lgan. Sergeev yaxshi o'ynagan. O'yinni Davron sharhlagandi. Uzb Iordaniyaga mensimasdan qaragan yoki o'yin kelishilgan. Bemalol yutsa bo'ladigan o'yinda yutqazganmiz. Biz o'shanda Qosimovni pragmatik futbol uslubini qurboni bo'ganmiz
   
19 май 15:10:05
Man_Utd Norin
Музаффар Махмудов фойдаланувчининг фикрига жавоб бериш
ЖЧга чикиш учун куп иш килишимиз керак хали. Биринчи иш, футболдан коррупцияни йукотиш
Xaa to'g'ri lekn bizi futbolchilar juda kuchsiz 60 daqiqadan keyin charchab qoladi qachon 90 daqiqa bir xil kuchda yuqori tempda oynasa keyin chiqmiz ChJ ga
   
19 май 10:24:46
Музаффар Махмудов
Man_Utd Norin фойдаланувчининг фикрига жавоб бериш
Sharmandali o'yin lekn Iordaniyani yutgandayam baribir sharmanda bo'lardi keyingi o'yinda
ЖЧга чикиш учун куп иш килишимиз керак хали. Биринчи иш, футболдан коррупцияни йукотиш
   
18 май 17:49:10
Conor Messi
Juve_KING фойдаланувчининг фикрига жавоб бериш
JCH 2022ga insholloh boramiz, bu safar tarkibimizga ishonsa bo‘ladi
Albatta!
   
18 май 15:13:08
Juve_KING
JCH 2022ga insholloh boramiz, bu safar tarkibimizga ishonsa bo‘ladi
   
18 май 14:23:41
Gayrat Б.мирзакаримов номли Биофабрика ДУК
yaxshiyam svet ochib qolgan ekan lekin svet ochirishdi bizdikilar qilgan aniq bob qoylar
   
18 май 14:06:07
Aziz Yuldashev
Эслагим келмайди ўша ўйинни, ўша кунни, ўша прожекторларни ва Уилямсни.
-1   
18 май 17:48:10
Conor Messi
zek фойдаланувчининг фикрига жавоб бериш
Xacaxa kimdir ishandimi svet uchkaniga bunga usha axmoqla ishonsa ishonadi boshqalar emas ana lata q...t.. q uyinchila charchaganiga atayin uchirilgan eee bizzikila borolmaydi qadrli yurtdoshla borishini manam xoxlayman tarkibda odil bn shomurodov bor xalos qolgani loko bn paxtani bollari kuchlik ammo kup yigurolmaydi charchaydi asabbi asrash kerak man umidimmi uzganman ishonmayman boshqa davlatlada ichki chempionat rivojlanip ketti bizda esa aksii boshqa kkub kuchayolmaydi paxtakorri zaxirasini kuchaytirishadi xalos bizda boshqa klub ochl da uynashka xaqqi yoq faqat poytaxt uynashi kerak raqobatta poytaxtka xakamlayam kumaklashsa qanaqa raqobat buladi ichki raqobat kuchaysa kegin klublardan chertip chertip termaga tervolinadi bumasam 40 yilda xam chiqolmaydi
Sizdaqalar borligi uchunam bormedi.
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг