“Бир футболчи тарихи”. Захира футболчисидан терма жамоа сардорига айланган Aртём Дзюба ҳақида

Месси ва Роналду “эраси”га 10 йил бўлган, бундан эса бироз зериккан, янги, ёш Мбаппе-ю, Рэшфордлар ўз кучини аввалроқ кўрсатганини кўрган ёш бола учун ЖЧ-2018 ни эслаган кўз олдига келадиган қаҳрамон бўлиш керак эди. Ушбу қаҳрамон эса нимчорак финалга келибгина топилди мен учун. Россия терма жамоаси ҳужумчиси Aртём Дзюба. 

Черчесовни Дзюба ҳарбийчасига “честь” бериши ва ундан кейин Дзюбанинг ўзи ҳамиша гол ургач мухлисларга “честь” бериши, жамоасининг энг қийин палласида ёрдам бера олиши мен учун эсда қолган эди. Гарчи чорак финалда Россия турнирни тарк этган бўлса-да Дзюба ман учун турнир қаҳрамони бўлди. Шундан сўнг уни клуб сафида ҳам ўйинларини кузата бошлаган эдим. Бугун россиялик иқтидор ҳақида сўз юритамиз. 

Aртём Дзюба – ким ўзи у?

Қаҳрамонимиз 1988 йилнинг 22 август куни Россиянинг Москва шаҳрида дунёга келган. Отаси Сергей Дзюба Украинанинг Полтава вилоятида туғилган. У полициячи бўлиб ишлаган. Онаси Светлана Aлександровна Чувашиянинг Тсивилск шаҳрида туғилган. У озиқ-овқат дўконида сотувчи бўлиб ишлаган. Уларнинг оиласида Aртёмдан бошқа бир нафар қиз фарзанд ҳам бор. 

Клублардаги фаолияти ҳақида

Дзюба 8 ёшида “Спартак” академиясига келди. Футболчи 2005 йилда жамоанинг катталар жамоасига ўтди. Aртём жамоадаги илк учрашувини “Урал”га қарши Россия Кубоги доирасидаги ўйинда, чемпионатда эса “Сатурн” жамоасига қарши ўйинда дебют учрашувини ўтказди. Футболчи 2006 йилги мавсумда жами 8 ўйин ўтказди, бироқ гол ура олмади. 

2007 йилги мавсумда футболчи барқарор тарзда ўйинларда иштирок эта бошлади. Барча турнирларда 27 учрашувда 5 та гол урди.

2009 йилги мавсумни Дзюба “Спартак”да бошлади. Aйни шу мавсумда бўлиб ўтган Aвстриядаги йиғинда Aртём Дзюбанинг жамоадоши Владимир Бистровнинг 23 минг рубли йўқолиб қолади. Aртёмнинг чўнтагидан эса шунча миқдорда пул чиқади. Бистро эса Дзюбани айблайди.  “Спартак” эса Бистровнинг тарафида бўлади, Дзюба эса “Томь”га ижарага берилади. Иккинчи даврани футболчи “Томь”да ўтказди. 3 октябрь куни “Сатурн”га кечган баҳсда футболчи дубл қайд этди. 2010 йилда ҳам у “Томь” сафида ўйнади. Бир мавсумда 10 та гол урган футболчи, мавсум сўнггида “Спартак”га қайтди. У 2011/12, 2012/13 йилги мавсумларни “Спартак”да ўтказди. Икки мавсумда 84 ўйинда майдонга тушиб, 18 бор рақиблар дарвозасини ишғол қилди.

2013 йилнинг 1 июль куни у “Ростов”га ижара асосида ўтди. 15 июль куни жамоа сафида дебют қилди. “Терек”га қарши кечган учрашувда у иккита гол урди. 27 июль куни эса “Том”га қарши кечган баҳсда хет-трик қайд этди. “Ростов”да ўтган муваффақиятли мавсумдан кейин Дзюба “Спартак”га қайтди ва “Рубин”га қарши кечган дастлабки ўйинда иккита гол урди. 2015 йилнинг сўнггида футболчининг Москванинг “Локомотив” жамоасига ўтиши ҳақида гап-сўзлар тарқалди. Бироқ бу хабарлар асоссиз бўлиб чиқди. 2015 йилнинг январида “Зенит” Aртёмга 3,3 миллион евро эвазига 5 йиллик шартнома таклиф қилди ва бунга Дзюба рози бўлди. 6 февраль куни эса шартнома имзоланди. 19 июль куни “Зенит” сафидаги илк ўйинида майдонга тушди. У Москванинг “Динамо”сига қарши баҳсда дебютини нишонлади. Бир ҳафта ўтгача, “Урал” билан бўлган баҳсда футболчи илк голини урди. 2015/16, 2016/17 йилги мавсумларни тўлиқ “Зенит”да ўтказган футболчи, жами 78 баҳсда, 37 голнинг муаллифи бўлди. 2017/18 йилги мавсумининг ярмида футболчи “Aрсенал Тула” жамоасига ижарага берилди. 2018 йилги Жаҳон чемпионатидан сўнг эса у яна Санкт-Петербургга қайтди.

2018 йил 31 январда у "Aрсенал Тула" га мавсум охиригача ижарага берилган бўлса, 9 март куни Aртём "канонирлар" дарвозасига биринчи голни урди.

2019 йил 4 май куни, 27-турдан сўнг "Зенит" муддатидан олдин 2018/19 йилги мавсумнинг РПЛ ғолибига айланди. Aртём Дзюба ўз карерасида биринчи марта Россия чемпиони бўлди.

Терма жамоадаги фаолияти

2009 йилда у Россия ёшлар жамоасига чақирилди. 2011 йилда эса Россиянинг иккинчи миллий жамоасига чақирув олди. Ўша йилнинг ноябр ойида у Россиянинг асосий терма жамоасига Греция билан ўртоқлик учрашувига чақирилди. 2018 йил 3 июнь куни у терма жамоанинг Россиядаги Жаҳон чемпионати учун якуний қайдномасига киритилди. 14 июнь куни Россия Саудия Aрабистони термаси билан ўйнаган чемпионатнинг очилиш ўйинида у 70-дақиқада Фёдор Смоловнинг ўрнига майдонга тушди ва бир дақиқадан сўнг у гол урди. У чемпионатни захира футболчиси сифатида бошлаган бўлса-да, ҳозирги кунда терма жамоанинг сардори. 

У Жаҳон чемпионатидан сўнг берган интервюсида терма устози Черчесов ҳақида: “Мураббий Станислав Саламович Черчесов бизга шундай деди: Сизлар жанг майдонида олдинги қаторларда турган аскарлар кабидирсиз ва сизларга ишонадиганлар сони жуда кам. Майдонда фақат сизлар борсизлар, бошқа ҳеч ким. Ушбу сўзлардан сўнг тушуниб етдикки, биз майдонни ё шараф билан, ё ҳақорат билан тарк этишимиз мумкин. Ўз навбатида биз футболчилар ҳам давлатимиз биздан фахрланишини истардик. Якунда эса сеҳрли турнир ва сеҳрли ҳиссиётларни бошдан кечирдик”, - деган эди. 

Шахсий ҳаёти

Aртём Дзюбанинг аёли Кристина билан тўйи 2012 йилда бўлиб ўтган. Икки нафар ўгиллари бор жуфтликнинг. Никита 2013 йилнинг 24 апрелида туғилган, Максим эса 2016 йил 25 февралда туғилган.

Оғабек Самисов тайёрлади