Бэйл: "Агар имкониятимиз бўлмаса, бунга вақтимни сарфлаб ўтирмаган бўлардим"

«Ҳали ҳамон баъзи жабҳалар устида ишлаб бормоқдамиз. Ниманидир яхшилаш керак. Эндигина ўйин услубини таҳлил қилиб, мураббий биздан нима хоҳлаётганини ўрганмоқдамиз. Баъзида бунга қанчадир вақт керак бўлади. Шунинг учун ўртоқлик ўйинлари зарурдир. Унда машғулотларнинг ўрнига, ҳар хил ҳолатлар устида ишлаймиз. Агар Евро-2020га чиқиш имкониятимиз бўлмаганида, ҳозир мен бу ерда бўлмаган ҳамда вақтимни беҳудага сарфламаган бўлардим. Катта мусобақаларга чиқиш учун курашиш менга ёқади. Евро-2016дан кейин шу каби ҳолатларни яна бошдан кечиришни жуда ҳам хоҳладим. Аввалгидек, ўз кучимизга ишонамиз. Ўйлайманки, мухлисларимиз ҳам бизга ишониб, бор кучлари билан бизни қўллаб-қувватлашади. Чунки, улар 12 ўйинчимиз ҳисобланишади. Улар бизнинг энергия манбаимиздир», – дейди вингер.