UZ

Сўнгги янгиликлар

16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   3 16:26Жейми Вардининг навбатдаги жамоаси маълум!  1 15:52Пол Паркер: "Де Хеа қайтмаса керак"  1 15:30Эрик тен Хаг истеъфога чиқиш арафасида  6 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  15 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4 13:35Аканжи "Манчестер Сити"ни Лондон клубига алмаштириши мумкин  0 13:14Гарначо "Челси"га ўтиш ҳақида: "Жаҳон чемпионлари сафига қўшилганимдан бахтиёрман. Биз - дунёнинг энг яхши жамоасимиз!"  6 12:50"Барселона" Ла Лигада Шенснини рўйхатдан ўтказди  1 12:22"Фенербахче" Эдерсоннинг трансфери устида ишламоқда. "Ман Сити" дарвозабонни "Галатасарой"га 10 млн еврога сотмади  1 11:58Меҳди Таремининг янги клуби маълум  2 11:31Аканжи "Милан"нинг шартларини қабул қилмаяпти, "Сити" ҳимоячиси EЧЛда ўйнашни истамоқда  0

Бахтиёр Ашурматов: "Металлург"га омад кулиб боқди" Янгиликлар

Бахтиёр Ашурматов: "Металлург"га омад кулиб боқди"

"Металлург" жамоасидан учралган мағлубиятдан кейин "Қўқон-1912" бош мураббийи Бахтиёр Ашурматов ўз фикрларини билдириб ўтди.

"Бугун майдонда иккита тенг кучга эга бўлган жамоалар ўйнади. Шу сабабли ўйин ҳам тенг курашлар остида кечди. "Металлург"га омад кулиб боқди. Уларни ғалаба билан табриклайман. Биз эса навбатдаги ўйинларга тайёргарлик кўришда давом этамиз.

Гарчи сафарда ўйнаган бўлсак-да, мухлисларимиз бизни қўллаб-қувватлаб туришди. Ўзимизнинг майдонда ўйнаётгандек бўлдик. Фақатгина яратилган вазиятлардан фойдаланишда "Металлург" устунлик қилди.

- Ўйин тенг курашлар остида ўтганини барча кўрди. Омаддан ташқари яна қандай жиҳатлар жамоанинг мағлубиятига сабабчи бўлди?
- "Металлург" ўз майдонида ўйнашига қарамасдан ҳимоявий ўйинни танлашини тахмин қилгандик. Шуни эътиборга олиб, ўйинга тайёргарлик кўрдик. Ўйин давомида бизда ҳимоядан ҳужумга ўтишда катта муаммолар бўлди. Шунингдек, "Металлург"нинг бир нечта қарши ҳужумларини ўтказиб юбордик. Айнан шу жиҳатлар бизнинг мағлубиятимизга сабаб бўлди. "Металлург" таркибида тезкор қарши ҳужумга ўтиб кета оладиган футболчилар кўпчиликни ташкил қилди. Дониёр Нарзуллаев ва Шахзод Убайдуллаев анча чиройли ўйин кўрсатишди. Ўтган ўйинда Аброр Тошқўзиев гол урганига қарамасдан, асосий таркибда Убайдуллаев тушишини кутмагандим. "Металлург"нинг бу ўзгариши ўзини оқлади. Нарзуллаевнинг тезкорлиги эса ўйин тақдирини ҳал қилди.

- Стандартлар жамоанинг асосий қуроли эканлигини биламиз. Фақатгина шу жиҳатга таяниб қолиш ҳам нотўғри эмасмикин?
- Йўқ. Биз рақибнинг ўйинига қараб, қай тариқа ҳужумларга ўтиш, қай тариқа ҳимояланиш борасида ҳам ишлаяпмиз. Лекин таркибда стандартлардан ажойиб тарзда фойдаланадиган шундай футболчи бор бўла туриб, бунга эътибор бермаслик ҳам нотўғри деб ўйлайман. Иккинчи бўлимда "Металлург" кўп сонли футболчилари билан ҳимояланди ва ўйин ташкил қилишда муаммоларга дуч келдик. Стандартлардан фойдаланиш асосий факторларимиздан бири эди. Бугун эса бундан тўғри фойдаланиш насиб қилмади. Навбатдаги турларда ўз майдонимизда ўтадиган ўйинларда ҳам шундай муаммоларга дуч келишимиз мумкин. Яъни, рақиблар ҳимоявий ўйин кўрсатадиган бўлса, исталган жамоа ўз ўйинини ташкил қила олиши қийин бўлади. Шу боисдан бу борада қаттиқ ишлаймиз.

- Филип Райевац нега майдонга тушмади? Унда жароҳат бормиди ёки бошқа муаммо бормиди?
- Йўқ, унда ҳаммаси жойида. У кеча Сербиядан учиб келди, тестларни топширди ва тиббий кўрикдан ўтди. Ўйлайманки кейинги ўйинларда Филип майдонга тушади.


Фурқат Пўлатов Бекобод шаҳридан махсус

Рейтинг: -9   

Фикрлар

championat.asia
< сўнгги янгиликларни кўриш
Яндекс.Метрика