UZ

Сўнгги янгиликлар

10:28«Бавария» Алонсони қўлга кирита олмаганидан сўнг бошқа бир топ мураббий билан шартнома тузмоқчи  0 10:00ЦСКА устози РПЛнинг энг кучли футболчиси кимлигини айтди  2 09:3410 ойга четлатилган Тонали яна узоқ муддатга дисквалификация қилиниши мумкин  0 09:10«РБ Лейпциг» грандлар қизиқаётган футболчига нарх қўйди  1 08:47Златан рамзий термасини тузди ва ўзини қўшмади. Нега қўшмаганини эса Ибра супер тарзда тушунтириб берди  6 08:25Фабрицио Романо Хаби Алонсонинг келажагини очиқлади  4 07:49Про лига. Бугун учинчи тур якунланади  1 07:25Суперлига. Бугун Олмалиқ ва Қаршида ўйинлар бор  2 01:46"Фулхэм" стадион трибунасида очиқ бассейн қурмоқчи  1 01:29Абдуқодир Ҳусанов "Лилль" билан ўйинни ўтказиб юборади  3 00:52Италиялик жаҳон чемпиони Қозоғистонга ташриф буюрди  8 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  15 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  17 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  1

Бахтиёр Ашурматов: "Биринчи даврада бой берилган ўйин учун реванш олишга интилдик" Янгиликлар

Бахтиёр Ашурматов: "Биринчи даврада бой берилган ўйин учун реванш олишга интилдик"

Суперлиганинг якуний 26-туридан ўрин олган "Навбаҳор" – "Қўқон-1912" (2:3) учрашувидан сўнг меҳмонлар бош мураббийи Бахтиёр Ашурматов фикрларини билдириб ўтди.

Бахтиёр Ашурматов: “Навбаҳор” ва унинг мухлислари қалбимда чуқур из қолдирган”

- Ўйин ҳақида

- Ўйиндан аввал ҳам “Навбаҳор” билан ўйин дерби мақомига эга бўлганлиги сабабли қайси жамоа ютишидан қатъи назар жанговар ўйин бўлиши, футболчилар охиригача курашишини айтгандим. Гапларим ўз исботини топди. Иккала жамоа ҳам ўйин сўнгигача чиройли футбол намойиш этишди. Йигитлар айтган кўрсатмаларимни тўғри бажаришди ва ўйлайманки, бугун ҳаққоний ғалабага эришдик. “Навбаҳор” футболчиларига ҳам миннатдорчилик билдирмоқчиман. Чунки улар 1:3 ҳисобида ютқазаётганда мухлислари учун астойдил курашишди, ишқибозлар ҳам чиройли футбол гувоҳига айланишди ва жамоаларини охиригача қўллаб-қувватлашди. Жамоамиз номидан уларга миннатдорчилик билдираман, доимо соғ-саломат бўлишсин. Ва албатта, Қўқондан узоқ йўл босиб келиб, бизга ишонишгани учун катта раҳмат. Ўйлайманки, кейинги мавсум “Навбаҳор” ҳам, “Қўқон-1912” ҳам ўз олдига янада юқорироқ вазифаларни қўяди, ҳар икки жамоа мухлислари жамоалари юқори ўринларни эгаллашига муносиб.

- Жамоангиз биринчи даврада “Навбаҳор”га ютқазиб қўйганди, шу боис футболчиларингиз ўзгача иштиёқ билан тўп тепишдими?

- Гапнинг очиғи, бугунги ўйин шахсан мен учун ҳис-ҳаяжонга бой ўйин эди. Чунки бундан аввал “Навбаҳор”да ишлаганман, бу жамоа ва унинг мухлислари, ўша ишлаган йилларим қалбимда чуқур из қолдирган. “Навбаҳор” мухлисларига нисбатан меҳрим баландлигини ҳеч қачон яширмаганман. Шу сабабли бугунги учрашув мен учун принципиал аҳамиятга эга эди. Биринчи даврада бой берилган ўйин учун реванш олишга интилдик, Худога шукрки, мухлисларимиз ва раҳбарларимиз олдида юзимиз ёруғ бўлди. Ўйин охирида бўлган вазият учун “Навбаҳор” мухлисларидан узр сўрайман. Футболчимизга ҳам танбеҳ бердик, ёшлик қилиб бир оз провокацион ҳаракат қилиб қўйишди. Ўйлайманки, кейинги ўйинларда жамоамиз томонидан бундай ҳаракатлар қилинмайди. Қўқон ва Наманган жамоалари, мухлислари ҳурматга муносиб, шу боис кейинги ўйинлар бунданда чиройли ўтади, деб ўйлайман.

- “Қўқон-1912”нинг жорий мавсумдаги натижаси бўйича фикрингиз қандай?

- Натижадан қониқмаганлигимиз аниқ, чунки бу мавсум водий футболи учун муваффақиятсиз бўлди. Биз ҳам, “Навбаҳор” ҳам катта ниятлар билан мавсумни бошлагандик, лекин афсуски, ўз майдонимизда жуда кўп очко йўқотганимиз туфайли юқори ўринларни эгаллай олмадик. Мавсумни биз учун қониқарсиз деб айтиш мумкин. Афсуски, “Турон” ва “Андижон” жамоалари Суперлигани тарк этишди. Менимча, водий жамоалари ҳам юқори ўринлар учун курашадиган даражага чиқса, бундан чемпионатимиз савияси янада ошади. Зеро, водийлик мухлислар футболни жуда яхши кўришади.


Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика