27 январь куни "Барселона" Маркос Алонсо билан шартномани узайтирди. Ўтган ёзда "Челси"дан кўчиб ўтган ҳимоячи жамоага кераклигига ишонч ҳосил қилди. 32 ёшли ҳимоячи ўзининг кўп қирралилиги туфайли марказда ҳам, чапда ҳам ҳимояда ўйнай олади.
Бироқ Ла Лига "Барселона"га Алонсонинг янги шартномасини рўйхатдан ўтказишга рухсат бермади, чунки "кўк-анорранглилар"нинг иш ҳақи лимити ошиб кетди.
