"Барселона" 10 йилга 455 млн евро кредит олди

Кредитнинг ўртача фоиз ставкаси 1,98 % бўлиб, у 10 йилга мўлжалланган. Кредит телевидение ҳуқуқлари билан кафолатланган.

Кредит суммаси 455 миллион еврони ташкил этиб, клуб бундан 140 миллион евросини аввалги қарз мажбуриятларининг бир қисмини қоплайди.

Бундан ташқари, келишувга кўра, каталонияликлар қўшимча 70 миллион еврогача яна қарз олиши мумкин бўлади.

Goldman Sachs инвестиция банки битим бўйича молиявий маслаҳатчи вазифасини бажарган.