"Барса" вице-президенти: "Хави биз кутаётган совринларни олиб беради"

"Барселона" вице-президенти Рафа Юсте клуб бош мураббийи Хави ҳақида фикр билдириб ўтди.

"Хави - шу клубда катта бўлган, ажойиб мураббий. У "Барселона" футболчиси бўлиш нималигини жуда яхши билади. Хавида босқичма-босқич ривожланиб бораётган таркиб бор. Ишончим комилки, Хави биз кутаётган совринларни олиб беради. Биз ғалабалар ва совринлар учун курашамиз. "Барселона" - ҳар доим ғалаба қозонишни истовчи клуб", -дейди Рафа Юсте.

Эслатиб ўтамиз, Хави "Барселона" билан ЕЧЛда омадсизликка учраб, Европа Лигасига тушиб кетиши аниқ бўлганди.