"Барса" АҚШ бўйлаб турнега Умтити, Брэйтуэйт ва Пучни олмади, де Йонг ва Пьянич – таркибда
16 июл 2022 16:44
Янгиликлар

"Барса" АҚШ бўйлаб турнега Умтити, Брэйтуэйт ва Пучни олмади, де Йонг ва Пьянич – таркибда

"Барселона" АҚШдаги мавсумолди турнеси учун таркибни эълон қилди.

28 нафар футболчи ўрин олган рўйхатдан "Манчестер Юнайтед" қизиқиш билдираётган Френки де Йонг ҳам жой олди.

АҚШга шунингдек машғулотларда Хавини қойил қолдирган ярим ҳимоячи Миралем Пьянич, жамоанинг янги ўйинчилари Рафинья, Андреас Кристенсен ва Франк Кессье йўл олди.

Рўйхатда дарвозабон Нето, ҳимоячилар Самуэль Умтити ва Оскар Мингеса, хавбек Рики Пуч ва ҳужумчи Мартин Брэйтуэйт йўқ. Инсайдер Фабрицио Романонинг хабарига кўра, "Барса" уларнинг имкон қадар клубдан тезроқ кетишларини хоҳлайди.