Баллак ўзи фаолият юритган биринчи клубини банкротликдан қутқарди
31 июл 2020 16:54
Янгиликлар

Баллак ўзи фаолият юритган биринчи клубини банкротликдан қутқарди

Германия терма жамоасининг собиқ футболчиси Михаэль Баллак оғир молиявий аҳволда қолган "Кемницер" клубига ёрдам беришга қарор қилди. Бу ҳақда жамоанинг матбуот хизмати хабар берди.

"Кемницер" Германиянинг тўртинчи дивизионига тушиб кетган ва касодга учраш арафасида эди. Буни эшитган Михаэль ўзига тегишли "Бавария", "Челси", "Байер" ва Германия терма жамоасининг 40 та оригинал либосини ким ошди савдосига қўйишини маълум қилди. Ҳар бир лот учун савдо икки юз евродан бошланиб, ким ошди савдосидан тушган барча маблағлар клуб бюджетига тушди.

Аввалига "Кемницер"га 450 минг евро керак эди. Кейинчалик клуб 300 минг йиғилганлигини эълон қилди.

Баллак 12 ёшидан бошлаб "Кемницер" тизимида ҳаракатлана бошлаган, 1995 йилда ушбу клубда профессионал дебютини ўтказган ва 1997 йилгача ўйнаган.

Ҳавола :

Манба : chemnitzerfc.de

Янгиликларни Телеграмда ўқинг!

Рейтинг: +34