2002 йилда туғилган футболчилар ўртасида бўлиб ўтган мазкур мусобақада “Бунёдкор” тарбияланувчилари пенальтилар сериясида “Пахтакор” устидан зафар қучиб, биринчи ўринни қўлга киритишди. Ўйинда 2:2 ҳисоби қайд этилди. Шундан сўнг жамоалар пенальтилар сериясига таклиф этилди. Лотереялар баҳсида эса омад “бунёдкорчилар”га кулиб боқди. Улар 4:3 ҳисобида ғалаба қозонишди.
Учинни ўринни Бекободнинг “Металлург” жамоаси тарбияланувчилари қўлга киритишди. Бекободликлар “Андижон” жамоасини 3:0 ҳисобида мағлуб этишди. Турнирнинг финал ҳамда 3-ўрин учун кечган баҳслари ЎФФ сунъий майдонида ўтказилди. Финал учрашуви якунига етгач, ғолиб ва совриндорлар тегишли диплом, медаллар ва кубок билан тақдирланди.
Хотира турнири ёпилишида иштирок этиш учун бир қатор футбол фахрийлари, жумладан, Наримон Жалолов, Тўлаган Исоқов, Вилгельм Қаҳҳоров, Владимир Штерн, Вячеслав Солохо, Равшан Юнусов, Аҳрол Иноятов, Евгений Валицкий, Владимир Сафаров кабилар ташриф буюришди. Мусобақа якунида ҳар бир чизиқ бўйича энг яхшилар аниқланди.
“Энг яхши дарвозабон” - Аваз Ҳасанбоев (“Металлург”)
“Энг яхши ҳимоячи” - Маъруфжонов Сардор (“Андижон”)
“Энг яхши ярим ҳимоячи” - Холматов Диёр (“Пахтакор”)
“Энг яхши ҳужумчи” - Жўрақўзиев Отабек (“Бунёдкор”)
“Турнирнинг энг яхши футболчиси” - Чикризеев Игорь (“Пахтакор”)
З-ўрин учун баҳс. 25 август
“Металлург” - “Андижон” - 3:0
ФИНАЛ. 25 август
“Пахтакор” - “Бунёдкор-1” - 2:2 (п.б - 3:4)