Баҳодир Аннаматов: “Ғалаба барчамизники”

Жамоа мураббийи Баҳодир АННАМАТОВ бу ҳақда қуйидаги фикрларни билдирди: "Кеча биз анча жиддий рақиб билан куч синашдик. “Пахтакор” таркибидага кўплаб ёшлар ўз тоифаларида мамлакат терма жамоаси аъзолари саналишади. Шунга қарамай шогирдларим майдонда бор кучлари билан ҳаракат қилишди".

-Жамоангиз Қаршида ўтаётган беллашувда одатда биринчи бўлим ўз дарвозасидан тўп ўтказиб юборсада, кейинчалик иродали ғалабага эришаяпти. Бу ҳолат “Сўғдиёна” ва “Пахтакор”га қарши ўйинда ҳам кузатилди...
-Ғалабага бўлган ишонч, интилиш кучли. Айниқса, захирадан тушган футболчилари ўзларини кўрсата олишди. Донир Нарзуллаев иккинчи бўлимда майдонга чиқиб, иккита гол уришшга эришди. Ғалаба ҳаммамизники, бундан барча хурсанд бўлди. Умид қиламизки, вақти келиб бу ёшлар жамоа асосий таркибига ҳам ёрдами тегади.

-Жамоангизнинг иқтидорли футболчиси, “Насаф” футбол мактаби тарбияланувчиси Азизбек Маликов икки ўйиндан бери майдонга тушмаяпти?
-Ўтган турда “Локомотив”га қарши ўйинда унинг сариқ карточкалари сони тўрттага етганлиги боис ёрдам бера олмаганди. “Пахтакор”га қарши ўйиндан олдин эса у бироз шамоллаб қолганди. Шу боис уни майдонга туширмасликка қарор қилдик. Кейинги учрашувдан у бизга ёрдам беради.