B ПРО-лига. Ўзбекистон туманида янги футбол мавсуми бошланмоқда

Шу каби самарали ишларнинг натижаси сифатида Фарғона вилояти ҳокими Шуҳрат Мадаминович Ғаниев томонидан вилоятнинг ҳар бир шаҳар ва туманларида футбол спорт турига бўлган эътиборни кучайтирилиши ҳамда футбол жамоаларини ташкил этилиши борасида тегишли қарорлари қабул қилинди. Мазкур қарорлар ижросини таъминлаш мақсадида Ўзбекистон тумани ҳокими Қаҳрамонжон Жўраевнинг бевосита ташаббуслари билан Яйпан шаҳарчасида "Турон" футбол жамоаси ташкил этилди. 2017 йилда ташкил этилган жамоа 2018 йилги мавсумда футбол Фарғона вилояти биринчилигида чемпионликни қўлга киритди. Шунингдек "Турон" 2018 йилги Фарғона вилояти кубоги финалчиси ва "Наврўз" кубоги соҳиби ҳисобланади.

Олиб борилаётган амалий ишларнинг самараси сифатида 2019 йилги мавсумдан бошлаб тажрибали мураббий Баҳром Ҳакимов бошчилигидаги Ўзбекистон туманининг "Турон" жамоаси B Про-Лига мусобақаларида иштирок этади. Жамоа Отабек Исроилов, Мўйдин Мамазулунов, Собир Ҳамидов каби тажрибали футболчилар билан таркибини кучайтириб олган. Шунингдек Ўбекистон (U-19) терма жамоаси сафида иштирок этаётган Аслиддин Тоштемиров ҳам "Турон" футбол клуби аъзоси саналади.

"Ўзбекистон" стадионининг хозирги ҳолати

- Ўзбекистон ПФЛ томонидан футбол учрашувлари ўтказиладиган стадионлар ҳолатини яхшилаш, ўйингоҳларда мухлислар ва ОАВ вакилларига қулай шароитларни яратилишини таъминлаш борасида қўйилаётган талаблар натижасида жамоамизнинг уй учрашувлари ўтказиладиган стадион майсаси тўлақонли янгиланди, ўриндиқлар таъмирланди, футбол мухлисларига учрашувларни стадионнинг ўзида томоша қилиш учун шароитлар яратилди. Мухлислармиз учун яна бир янгилик, жорий мавсумдан эътиборан туманимиз ҳокими ташаббуслари билан стадионимиз "Ўзбекистон" деб номланиши белгилаб қўйилди.Айни дамда туманимизда Про-Лига мусобақаларининг очилишига катта тайёргарлик ишларини олиб бормоқдамиз. Янги ташкил этилган жамоамиз Омон Ғофуров, Диёр Имомхўжаев каби Ўзбекистон ПФЛ мутасадди раҳбарлари томонидан қўллаб-қувватланаётганлиги бизга янада иштиёқ беради. Ўзбекистон ПФЛ томонидан ишлаб чиқилган клубларни лицензиялаш талаблари, регламентнинг нақадар тўғри эканлигини бизнинг клуб мисолида кўриш мумкин. Буларнинг натижасида стадионимиз мукаммал ва замонавий кўринишга келди - дейди "Турон" футбол клуби президенти, бош директори Абдуваҳоб Аҳмадалиев.

2019 йил 11 апрель куни "В" Про-Лига мусобақаларининг 1-тури доирасида "Турон" ўз майдонида Тошкентнинг "Локомотив-БФК" жамоасини қабул қилади. Учрашувдан олдин расмий шахслар иштирокида туманда катта футбол мусобақаларининг очилиш маросими ҳамда концерт дастурлари ўтказилиши режалаштирилган.


Бекзод Толибов тайёрлади.