UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Аваз Агалиев: “Мухлисларнинг далдаси “Нефтчи” учун муҳим” Янгиликлар

Аваз Агалиев: “Мухлисларнинг далдаси “Нефтчи” учун муҳим”

“Нефтчи” ҳимоячиси “Бунёдкор”га қарши ўйиндан олдин ўз фикрларини билдирди.

–  Бу йилги Суперлига баҳслари ўзининг кескин курашларга бойлиги билан кўпчиликнинг эътиборини тортмоқда. Ундан ташқари барча беллашувда телевидение орқали жонли эфирда кўрсатиляпти. Бунга қандай муносабат билдира оласиз?

–     Бундан албатта хурсандман! Чунки ҳамманинг ҳам стадионга келиш имконияти бўлмайди. Шу билан бирга футболни жамиятда янада оммалаштириш жараёни ижобий кўриниш олади. Авваллари фақат Тошкентдаги ўйинлар жонли эфирда кўрсатиларди. Шу сабаб вилоят жамоалари футболчиларини кўпчилик танимас эди. Умуман олганда трансляцияларнинг жорий этилишига ижобий баҳо бераман.

– Миллий чемпионатимизнинг номи Олий лигадан Суперлигага ўзгарди. Шу қатори чемпионатнинг савияси борасида ҳам ўсиш кузатилди деб ўйлайсизми?


– Чемпионатнинг нафақат номи балки ўзи ҳам ўзгарди. Ҳозир жамоалар хатто бир очко учун қаттиқ кураш олиб боришмоқда. Айни пайтда дуранг натижага эришиш ҳам қийин саналади. Мисол учун амалдаги чемпион “Локомотив” ўз уйида дуранг ўйнади, “Пахтакор” эса сўнгги турда мағлуб бўлди.

– Ўтган йилга нисбатан бу йил мухлислар стадионга кўпроқ келишмоқда. Ишқибозлар сонини стадионларда янада ошириш борасида яна нималар қилиш керак деб ўйлайсиз?


– Мухлисга энг муҳими чиройли футбол ёқади. Агар майдондаги рақобат қизғин кечса, хар қандай ишқибознинг эътиборини торта олади. Мен шундай фикрдаман.


– “Нефтчи”ни Фарғонада “Бунёдкор”га қарши ўйин кутмоқда…

–  Қийин ўйин бўлади. “Бунёдкор”га ҳам бизга ҳам осон рақобат кечмайди деб ўйлайман. Фарғона жамоаси сафида кўплаб кучли ва маҳоратли футболчилар талайгина бўлгани билан барибир янги таркиб ҳисобланади. Ўйинимиз секин-аста шаклланиб бормоқда. “Насаф”га қарши ўйинда қандай беллашган бўлсак, Тошкент клуби билан ҳам мана шундай курашамиз. Насиб қилса, бўлажак турда ўз ғалабамизни нишонлаймиз.

– Фарғоналик мухлислар ҳақида фикрингиз?


– “Машъал” сафида Водийга кўп келганман. Хар доим стадионлар тўлиб тошади. Мухлислар ўз жамоаларини ажойиб тарзда қўллаб-қувватлаб боришади. Ўзим ҳам “Нефтчи”да тўп суриб Водийда футболга бўлган муносабат ҳақидаги фикрга яна бир бор амин бўлдим. “Насаф” билан очилиш ўйинида муҳитни кўрдик. Мухлисликка гап йўқ. Футболда ишқибозларнинг далдаси катта кўмак беради. Умид қиламанки, “Бунёдкор” билан учрашувда фарғоналик мухлислар стадионни тўлдиришади ва бизнинг ҳақиқий 12-ўйинчимиз бўлишади.

Ҳожиакбар Жабборов суҳбатлашди

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика