"Атлетико" Гюндоганга қизиқмоқда

Ярим ҳимоячининг "Манчестер Сити" билан амалдаги шартномаси жорий мавсум охиригача амал қилади. Агар яқин орада инглиз жамоаси билан шартнома узайтирилмаса, футболчи клубни тарк этиши мумкин.

Нашрнинг ёзишича, “Атлетико” 32 ёшли ярим ҳимоячига асосий даъвогарлар қаторида турибди. Мадрид клуби спорт директори Андреа Берта жамоа Гюндоганни сотиб олмоқчи эканлигини таъкидлади.

Германиялик ярим ҳимоячи жорий мавсум барча мусобақаларда 17 та ўйинда майдонга тушиб, 2 та гол урди ва битта голли узатмани амалга оширди. Transfermarkt портали футболчининг нархини 25 миллион еврога баҳоламоқда.