Асрор Алиқулов: "Қаттиққўл мураббийман дейишим мумкин"

"Ўйинга тайёрлашда футболчиларни руҳий ҳолатига кўпроқ эътибор қаратдик. "Хоразм" жамоаси турнир жадвалининг сўнги ўрнида бораётган бўлсада ўйинда биз эътибор берадиган жиҳатлари бор эди. Футболчилардан 100 фоиз тайёр бўлишни талаб қилгандик. Лекин, биринчи бўлимда ўйинчиларим осон ютамиз деб ўйлашди шекилли ҳаракатлари қовушмади. Футболчи учун ярашмайдиган хатолар қилишди. Иккинчи бўлимда катта куч билан олдинга ўтдик, рақиб ҳимоясида бўшлиқлар юзага келди. Машғулотларда рақиб жамоанинг кучсиз ва кучли томонларини ўрганганимиз самарасини берди.

Футболчиларни вазифаси футбол ўйнаш, ўзининг ҳаракатлари билан жамоасига хурсандчилик улашишдир. Камера қаршисидами ёки мухлислар қаршисидамиз эътибор бермасдан ўйнаши керак. Шундагина ҳеч қандай босимни ҳис қилишмайди.

Ёш футболчилардан биринчи бўлимда ёки иккинчи бўлимда фойдаланишни мақсад қилгандик. Учта учрашувдан бери биринчи бўлимда ёшларни туширмоқдамиз, биласиз ёшларимиз асосан ҳужум чизиғи вакиллари ҳисобланади.

Қаттиққўл мураббийман дейишим мумкин. Чунки, гоҳида футболчиларим ҳафа бўлиб қолишади. Машғулотларда бу томондан иш олиб борамиз, шу вазиятда нима учун кўнглимиз тўлмаганини айтамиз. Футболчиларимдан хурсандман. Шу вақтгача бирон бир футболчи жамоадан ўзини олиб ёки ўзини кераксиздек ҳис қилган пайтлар бўлмаган.

"Хоразм" сафида бўй томонлама, яккакурашларда бақувват ҳамда кучли дриблингга эга футболчилар бор. Чап қанот ярим ҳимоячиси, 7-рақамдаги ҳужумчи бизга муаммо туғдирди. Ўзининг ўйини билан юқори даражада эканлигини исботлади.
Охирги ўйинларда чарчаб қолган ҳолатда кўпроқ вазиятларга эга бўлмоқдамиз. Биз билан ўйинларда охирги дақиқаларда рақибларга қийин бўлмоқда. Сўнги дақиқаларда биз кўп гол киритмоқдамиз",- дейди Асрор Алиқулов.