Асрор Алиқулов: "Ўтган ўйиндаги хатоларни такрорламасликка ҳаракат қилдик"

Ўйин ҳақида

- Биринчи навбатда ўтган ўйиндаги хатоларни такрорламасликка ҳаракат қилдик. Бугунги ўйиннинг биринчи бўлимида жуда кўп вазиятларни голга айлантира олмадик. Иккинчи бўлимда яхши вазиятларга эришдик. "Арал Самали" ҳам курашувчан жамоа, айниқса ўз майдонида ғалаба учун ўйнайди. Бугун биз ўйинни ютиш учун ҳаракат қилдик ва якунда мақсадга эришдик. Жамоамиз аъзолари ва мухлисларини ғалаба билан табриклайман.

- Юзага келган танаффус вақтида "Шўртан" жамоасида қандай ўзгаришлар бўлди?

- Молиявий томондан раҳбарият ва хомийларимиз қўллаб-қувватлаяпти. Ҳозирда бу борада муаммо йўқ. 

- "Арал Самали"дан бугун қайси футболчини алоҳида ажратиб кўрсатган бўлардингиз?

- Ҳужумдаги футболчи, жамоа сардори ва бўйдор ҳимоячи яхши ўйин кўрсатди. Бу футболчиларни анчадан буён биламиз, тайёргарлик жараёнида ҳам алоҳида эътибор қаратдик. Қолган футболчиларнинг кўпчилиги ёш.

- "Шўртан" ҳимоявий футбол ўйнагадек кўринди. Бу сизнинг футболчилик вақтида ҳимоячи бўлганлигингиз билан боғлиқми?

- Бу кўпроқ рақибдан келиб чиқди. Сунъий майдон ва рақибнинг узун узатмалари билан боғлиқ эди. Биргина гол ўйин тақдирини ўзгартириб юборишини мумкинлигини ҳисобга олиб ҳимоячиларимизга эътиборли бўлишларини уқтиргандик.