UZ

Сўнгги янгиликлар

12:20Жоэль Кожо нима учун "Динамо"га эмас, "Нефтчи"га ўтганини сабабини айтди  1 12:13"Барселона" ва яна учта клуб "Интер" футболчисига даъвогарлик қилмоқда  0 11:48Хойлунднинг янги клуби маълум  0 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  4 10:15"Ньюкасл" "Реал" футболчисига 100 миллион евро таклиф қилди  0 09:43Испания терма жамоасининг бўлажак ўйинлар учун таркиби маълум  2 09:16"Манчестер Сити" ҳимоячиси учун курашга "Тоттенхэм" ҳам қўшилди  1 08:48Here we go! "Арсенал" яна бир трансферни якунлади  7 08:20Антонининг "Бетис"га трансфери барбод бўлди  7 07:42Испания терма жамоаси аъзоси АПЛнинг ўртамиёна клубига ўтди  1 07:15CAFA. Бугун Ўзбекистон МТЖ ўз юришини бошлайди  16 01:49А Серия. "Милан" мавсумдаги илк ғалабасини қўлга киритди  1 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  27

Асрор Алиқулов: "Ҳужумни якунловчи футболчи етишмади" Янгиликлар

Асрор Алиқулов: "Ҳужумни якунловчи футболчи етишмади"

Про лига 10-тури доирасидаги "Турон" – "Шўртан" (1:0) баҳсидан кейин меҳмонлар бош мураббийи Асрор Алиқулов фикрларини билдирди.




- Ўйин ҳақида

- Ўйинга ҳозирлик кўриш жараёнида ўйинчиларимизга "Турон" футболчиларининг кучли ва кучсиз томонлари ҳақида маълумот бергандик. Биринчи таймда кўпроқ ҳимояландик. Иккинчи таймда яхши вазиятлар юзага келтирдик, ҳужумни якунловчи футболчи етишмади. Бир неча бор олис масофадан зарбалар йўллашга ҳаракат қилдик, аммо бу дарвозабонга қийинчилик туғдирмади. "Турон" стандарт ҳолатлардан фойдаланиб кетишини инобатга олиб, бўйдор ҳимоячилардан фойдалангандик. Кичик сонияларда диққат-эътиборни йўқотиб, гол ўтказиб юбордик.

- Даврон Исоқов нега захирага олинди? Асосий тўпурар Муҳриддин Зоиров ҳам жамоага етишмадими?

- Асосий ҳужумчимиз Зоиров 4 та сариқ карточка олгани туфайли бугунги ўйинни ўтказиб юборди. Исоқовга келсак, у 1 ҳафта давомида бетоб юрди. Жамоада 3 кун машғулот олиб борди. Шу боис у жисмонан тайёр эмасди. Шунга қарамасдан, у ҳужумни бошлаб бериши кўзда тутилганди, имкон даражасида ҳаракат қилди. 

- Захирадан тушган футболчилар ўйинни кучайтира олишмади...

- Захирадан тушганлар ишончни оқлашмади. Чунки биз ҳужумга чиқишимиз керак эди, лекин афсуски, бу ҳолат юз бермади. Захирадан асосан, ёш футболчиларни майдонга туширдик.

- "Шўртан" мавсум аввалидан кўра ҳозир жипсроқ жамоага айлангани кўринмоқда. Жамоа анчайин бир-бирини тушуниб ўйнамоқда. Иккинчи давра ўрталарида трансфер ойнаси очилади. Янги футболчиларни жалб қилиш режаларингиз борми? 

- Режалар бор. Лекин ҳозир футболчи номини айтолмаймиз. Молиявий имкониятдан келиб чиқиб таклиф билан чиқамиз. Таркибни кучайтиришимиз керак. 

Бу йил 10 нафар янги футболчи келди, уларни жипслаштиришга вақт кетади. Ўйинимизда ҳам сифат тарафлама ўсиш бор. 

Бизда жамоа ўзаги йўқ, чунки ҳар йили таркибимиз кескин ўзгариб кетяпти. 

- Жамоангиз кучли 5 ликдан ўрин олса, Суперлига учун курашасизларми?

- Мақсадимиз – катта жамоаларга муносиб қаршилик кўрсатадиган клуб тузиш. Бир нечта ёш футболчиларни ҳам жалб қилганмиз. 

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика