АРХИВ. 2009 йилги "Бунёдкор" - "Насаф" учрашуви, майдонда Шомуродов ва Муртозаев

2009 йил "Бунёдкор" ва "Насаф" ўртасида ўтказилган учрашувни ёдга оламиз. Ўша пайтларда "қалдирғочлар"ни Луиз Фелипе Сколари, "аждарлар"ни эса Виктор Кумиков бошқарар эди.

Учрашувдаги ҳисобни 27-дақиқада бразилиялик "Олтин тўп" соҳиби Ривалдо пенальтидан гол уриб очади - 1:0. Иккинчи тайм аввалида ажойиб ҳужумдан сўнг Илҳом Шомуродов Нестеров дарвозасини ишғол қилади - 1:1.

73-дақиқада Анвар Солиевнинг тўп узатишидан кейин Сервер Жепаров меҳмонлар дарвозасини ишғол қилади - 2:1. 

Ушбу ўйинда "Насаф" сафида Ҳумоюн Муртозаевнинг акаси Баҳодир, Элдор Шомуродовнинг амакиси Илҳом тўп тепишгани эътиборга молик. Бундан ташқари ёш Кенжа Тўраев ҳам "Насаф" таркибида ҳаракат қилган. 

БУНЁДКОР - НАСАФ - 2:1 (1:0)

24.08.2009. 19-тур. Тошкент. "Жар" стадиони. 5672 томошабин.

Бош ҳакам: Ҳамидов Рустам - 8

Голлар:
1:0 - Ривалдо - пенальтидан, 27
1:1 - Шомуродов Илҳом, 54
2:1 - Жепаров Сервер, 73

БУНЁДКОР: Нестеров Игнатий; Каримов Хайрулла; Ғофуров Анвар; Ҳайдаров Азиз (Солиев Анвар, 39); Эдсон Рамос; Ривалдо; Вильянуэва Хосе Луис (Мурзоев Камолиддин, 68); Ҳасанов Жасур О. (Кападзе Тимур, 79); Жўраев Саҳоб; Жоао Виктор; Жепаров Сервер.

НАСАФ: Наумов Михаил; Минчев Николай; Каримов Мақсуд; Қораев Ботир; Жиямурадов Жаҳонгир; Қодиров Рустам (Муртозаев Баҳодир, 80); Каримов Ҳамза; Шомуродов Илҳом; Филипосян Артём (Пардаев Баҳодир, 77); Крот Сергей; Бобоев Жасур (Тўраев Кенжа, 85).

Огоҳлантиришлар: Каримов Хайрулла 56.