UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  4 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  4 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24

Артетанинг "Арсенал"даги 27 ёшли ёрдамчиси Карлос Куэста ҳақида биласизми? Янгиликлар

Артетанинг "Арсенал"даги 27 ёшли ёрдамчиси Карлос Куэста ҳақида биласизми?

У "Атлетико", "Ювентус" клубларида ишлаган, Порту университетида ўқиган ва олтита (!) тилни билади.

Бугун сизларни Микель Артетанинг "Арсенал"даги ассистентларидан бири Карлос Куэста билан таништирмоқчимиз. 

Унинг штабдаги вазифаси – футболчиларнинг индивидуал ривожланишини таъминлаш.

Карлос 27 ёшда. У аллақачон Pro лицензияси ва ажойиб резюмега эга, жумладан, у "Атлетико", "Ювентус" ва "Арсенал"да ишлагани билан мақтана олади. Шунингдек, у олтита (!) тилда сўзлашади: инглиз, испан, итальян, португал, француз ва каталон. Бу Куэстага жуда қўл келади, чунки у футболчилар билан якка тартибда ишлайди, одатда асосий машғулотдан кейин.

Унинг машғулотларида юкламалар берилмайди, аксинча, техник кўникмалар ва тактик ишланмаларни ривожлантиришга эътибор қаратилади. Ҳар бир жараён асосий машғулот каби видеога ёзиб олинади. Куэста ҳар бир ўйинчи билан видеотаҳлилни кўриб чиқиб, унга алоҳида вақт ажратади.

Куэста биринчи босқичда ўйинчининг жисмоний имкониятлари, техник, ақлий ва бошқа кўникмаларини ҳисобга олган ҳолда чарм тўп устасининг нималарга қодирлигини аниқлайди. Бу ҳар бир шахс билан қайси йўналишда ва қандай ишлашни тушунишга имкон беради. Шунинг учун ёш мутахассис мураббийлар штабидаги барча мутахассислар билан мулоқотда бўлиши муҳим.

Испаниялик мураббийлик фаолиятини 18 ёшида "Атлетико" U-13 жамоаси мураббийи сифатида бошлаган. Шу билан бирга, у Порту университетида "тактик даврийлаштириш"нинг отаси, кўпчиликка, жумладан, Жозе Моуриньюга катта таъсир кўрсатган афсонавий Витор Фрадедан таҳсил олган.

Куэста 2018 йилги турнирда италиялик мураббийлардан бири билан танишиб қолиб, "Ювентус"га йўл олади. Карлос Турин клуби бошлиқларини шундай ҳайратда қолдирганки, улар унга доимий иш ва лавозим таклиф қилишган. Испаниялик у ерда U-17 жамоасида ёрдамчи мураббий бўлиб ишлаган ва U-23 да ҳам тажриба орттирган. У икки йил муддатни Италияда ўтказган.

Туринга кўчиб ўтишдан бироз олдин Карлос "Сити" фаолияти билан танишиб чиққан. У "шаҳарликлар"га уларнинг ҳужумкор ўйинларини батафсил таҳлил қилиб бергач, клубдан таклиф олган. У "Сити"да Артета яхши мутахассис эканлигига ишонч ҳосил қилган ва ўшанда Микелнинг ёнида амалиёт қилиш ўзига хос воқелик бўлганини алоҳида таъкидлаб ўтган.

Ўз ўрнида Микель Артета ҳам ҳамюртини унутмади ва ўтган ёзда уни ўз штабига таклиф қилди. 

Ҳозирги вақтда Куэста Европадаги энг ёрқин ва истиқболли мураббийлардан бири сифатида қаралмоқда. "Тўпчилар" Артета ва унинг штаби, хусусан, Куэстанинг усуллари "Арсенал"га соврин олиб келишига ҳар қачонгидан кўпроқ ишонишмоқда.

Шерзод Нурматов таржимаси

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика