Артета: "Чемпионликка жуда яқинмиз"

"Арсенал" бош мураббийи Микель Артета жамоанинг чемпионликдаги имкониятларига баҳо берди. 

"Чемпионликка жуда яқинмиз. Ҳақиқатан ҳам яхши имкониятга эга бўлган пайтларимиз бўлди. Биз юқори ўринларни банд этишга лойиқмиз ва, албатта, бундан кўпроқ нарсани хоҳлаймиз ва бунга эришишга ҳаракат қиламиз.

Маълум позицияларни мустаҳкамлашимиз ва жамоани кўпроқ ресурслар билан таъминлашимиз кераклигини биламиз, айниқса, таркибни кенгайтириш нуқтаи назаридан. Биз қўлимиздан келганича ҳаракат қиламиз, лекин асосийси – барчани ўзимиздаги ўйинчиларга меҳр қўйишга ва уларни янада яхшилашга эътибор қаратишдир", – деди мутахассис.