"Арсенал" "Барселона" ярим ҳимоячиси учун курашга қўшилди

Бу ҳақда Caught Offside хабар бермоқда. Манба маълумотига кўра, испаниялик футболчининг шартномасида 100 миллион евро миқдоридаги товон пули мавжуд. Бироқ, "Барселона" жорий ёзда сотувлар зарурати туфайли ўйинчи нархини пасайтириши мумкин. "Челси" Касадони Ромео Лавианинг ўрнини босувчи сифатида кўрмоқда. "Арсенал" эса футболчини ўз сафига қўшиб олиш учун "Челси" билан кураш олиб боради. 

Касадо "Барселона" академиясининг битирувчиси ҳисобланади. Ўтган мавсумда ярим ҳимоячи барча мусобақаларда 36 та ўйинда иштирок этиб, битта гол урди ва олтита голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 30 миллион еврони ташкил этади.