UZ

Сўнгги янгиликлар

01:52Конференциялар лигаси саралаши. "Кристал Пэлас" илк ўйинда ўз майдонида кичик ғалаба қайд этди  0 01:15"Манчестер Сити" марказий ҳимоячисини сотиб юборди  1 00:45Конференциялар лигаси саралаши финали. "Истанбул Башакшеҳир" дастлабки ўйинда мағлуб бўлди, Файзуллаевда дебют, Шомуродовда тўлиқ ўйин  58 00:29"Манчестер Юнайтед" трансфер ойнаси ёпилгунга қадар "Штутгарт" футболчисини сотиб олишни истамоқда  1 00:14"Милан" вингери АПЛ клубига ўтди  1 23:50"Байер" "Манчестер Сити" футболчисини ижарага олди  0 23:40Суперлига. "Нефтчи" – "Машъал" 3:0   0 23:19Виктор Карпенко: "Биринчи бўлим бизнинг устунликда ўтди, иккинчи бўлимда ҳимояланишга мажбур бўлдик"  3 22:51Баҳром Ҳайдаров: "Мағлубиятга лойиқ эмасдик"  1 22:35Отабек Нарзуллаев мағлубият сабабини айтди  1 22:16Виталий Левченко: "Ғалаба қозонган бўлсак-да, кўплаб хатоларга йўл қўйдик"  2 21:55Суперлига. "Бухоро"нинг 5 ўйинлик ғалабасиз серияси "Қўқон-1912" билан баҳсда якунланди  15 21:40Қатардаги U17 Жаҳон чемпионатида 3 нафар ўзбекистонлик ҳакам ишлайди  3 21:13"Барселона" асосий ҳимоячиси билан шартномани узайтирди  0 20:54Суперлига. "Нефтчи" "Машъал"ни тотал устунлик билан ютди ва етакчиликни қўлга олди  38

Аргентинага Симеоне керак. Аммо у Мессидан кейин келади Янгиликлар

Аргентинага Симеоне керак. Аммо у Мессидан кейин келади

Копа Американинг икки учрашувидан сўнг фақатгина дангаса инсон Аргентинага янги мураббий кераклиги ҳақида ёзмади.

Бизни ҳам дангасалар сафига қўшманг. Ҳа, керак.


Аргентинага мос мураббий бор, фақат у Мадридда яшайди, Милан жамоаси раҳбарлари уни ўз клубида кўрмоқчи, бу мутахассиснинг исми Диего Симеоне. Мураббийнинг фикрича, унинг клубдаги ишлари якунлангани йўқ, шу сабабли ҳозирча у Аргентинани бошқармоқчи эмас.


Бу ерда савол туғилади: Мессичи, икки етакчи бир жамоада ишлай оладими ёки "икки қўчқорнинг боши бир қозонга сиғадими"? Месси - тажрибали рассом. Буни тан олмасликнинг иложи йўқ, бироқ "Барселона"нинг идеал тизими туфайли у мана шу даражага етди.


Ҳозирги Аргентина терма жамоасида ҳеч қандай тизим йўқ. Сампаоли даврида ҳам жамоа жаҳон чемпионатида ҳеч нарсага эриша олмади. Месси "Барселона"дан ташқари ҳар қандай жамоада ёқимли бош оғриққа айланади. Баъзида ширини кўп, баъзида эса оғриғи.


Сизнинг хабарингиз бўлган баъзи фикрларга кўра, техник зонада ким туришидан қатъий назар терма жамоани Месси бошқаради. Аслида бундай эмас. Ўзингизни Скалони ўрнига қўйиб кўринг. Сизга жамоани ишонишди, таркибда дунёнинг энг яхши футболчиси бор. Сиз ўз футболчиларингизни майдонга туширишингиз мумкин, аммо ичингиздаги бир овоз шундай дейди: "Уни майдонга тушир, Лео ўз ишини яхши билади". Мессининг муаммоси ҳам шунда. 


Лео Аргентина терма жамоасида обрў, машҳурлик борасида ўзига тенг мураббийни учратмади. У кимга қулоқ солишни, кимга иш буюришни билмаяпти. Уни эгоист дейиш нотўғри. Мессининг ўзи шу нарсадан азоб чекади. Месси ва терма жамоага ўзига ишонган тизим устаси керак. Сампаол шунга ўхшаш мутахассисдек кўринганди, аммо...


Аргентина мураббийлар мактаби мутахассисларга бой. Бу мактаб битта эмас, иккита ёки учта. Менотти мактаби мавжуд. У импровизацияга асосланган. Билардо мактаби эса рақиб ўйинига мослалишга қаратилган. Учинчи мактаб Бьелсаники. Бу тизим математик аниқликка қаратилган.


Ҳозир ҳам танлов бор. Месси "Барселона"даги Гвардиола услубини қўллаши керак. Аммо ҳозирги "Барса" ҳам ўша даврдаги жамоага айланишда катта қийинчиликларга дуч келаётганини кўриб турибмиз. Аргентина ҳақида нима дея олардик? Жамоанинг асосий қуроли - имровизация. Бироқ бу қуролдан ўқ чиқмаяпти.


Билардо услуби (рақиб ўйинига мослашиш)га ўтиш керак дейсизми? Бунинг иложи йўқ, чунки ҳозирги таркиб билан буни уддалаб бўлмайди.


Симеонени олиб келиш, 100% ғалаба дегани эмас, чунки унда ҳам "90 дақиқа ичида ғалаба қозониш" китоби йўқ. У аввалига селекция билан шуғулланиши керак. Бироқ у рақибга мослашишда қийналмайди, чунки унинг ҳозирги тизими шундай.


Симеоненинг асосий душмани вақт бўларди. Йилига 10-12та учрашув жуда кам. Ундан тезда натижа талаб қилиш ҳам нотўғри. Диего Табарес каби Аргентинанинг бутун тизимини терма жамоаникига мослаштириши керак бўларди. Шундагина меноттизм ва билардизм орасидаги чалкашлик якунига етарди.


Месси Симеоненинг душманига айланмайди. Лео камроқ югураётганини ҳамма пайқаган бўлса керак. Бунга сабаб футболчининг ёши эмас. Шунчаки уни югуришга мажбурлашмаяпти.


Бироқ Симеоне ва Месси жамоаси бўлмайди. Мутахассис банд. Диего терма жамоага келганда, Лео унда бўлмайди.

Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика