Аргентина нечанчи маротаба мундиал финалига чиқди? Бу борада рекорд қайси термага тегишли?
14 дек 2022 09:45
Янгиликлар

Аргентина нечанчи маротаба мундиал финалига чиқди? Бу борада рекорд қайси термага тегишли?

Кеча, 13 декабрь куни Қатардаги мундиал ярим финалидан ўрин олган илк учрашув Аргентина ва Хорватия ўртасида бўлиб ўтди.

Унда жанубий америкаликлар ишончли (3:0) ҳисобда зафар қучиб, 18 декабрь куни бўлиб ўтадиган финал йўлланмасига эга чиқишди. Умуман Аргентина ўз тарихида 6-маротаба ҳал қилувчи баҳсда иштирок этадиган бўлди. Улар бу борада Италия (4 та чемпионлик) ҳамда Бразилиянинг (5 та чемпионлик, +1950 йил гуруҳ тарзида ғолиб аниқланган) натижасини такрорлашди. Финалга чиқиш борасида рекорд эса Германия ТЖга (4 та чемпионлик) тегишли – 8 та.

Аргентина 1978 ҳамда 1986 йилларда олтин медалларни қўлга киритган. 1930, 1990 ҳамда 2014 йиллардаги мундиалларда эса кумуш медал соҳиби бўлган.

Ҳавола :

Манба : Championat.asia

Янгиликларни Телеграмда ўқинг!

Рейтинг: +9