Арьен Роббен: «Кройфф билан тенглашиб олдим. Менга яна битта чемпионлик соврини керак»
03 май 2017 21:45
Янгиликлар

Арьен Роббен: «Кройфф билан тенглашиб олдим. Менга яна битта чемпионлик соврини керак»

«Бавария» ярим ҳимоячиси Арьен Роббен афсонавий Йохан Кройффга етиб олганини айтиб ўтди.

Роббен бу мавсум фаолиятидаги ўнинчи чемпионлик кубогини қўлга киритди (6та «Бавария» билан, 2та «Челси» билан, бир мартадан «Реал» ва ПСВ сафида). Кройфф ҳисобида ҳам шунча чемпионлик бор (9та «Аякс», 1та «Барселона» билан).

«Голландиянинг афсонавий футболчиси Йохан Кройффга етиб олганимни ўқидим.

У 10та чемпионликка эришган ягона голланд эди. Энди менда ҳам шунча чемпионлик бор. У билан бир поғонада туриб ажойиб.

Энди менга яна битта соврин керак», – дейди Роббен.