"Ардус" расман ўз фаолиятини тугатди

2018 йил футболимиздаги антиқа қарор қурбони бўлган "Ардус" жамоаси ўз фаолиятини расман тўхтатди.

"Ардус" футзал жамоаси кўп йиллар давомида Ўзбекистон терма жамоасининг асосий негизини ташкил қилиб келган. "Рўзмат Мадаминов", "Турон-C", "Максам-Чирчиқ", "Дўстлик-AIN", "Нафис", "Когон" ва Зарафшоннинг собиқ "Строитель" жамоалари билан бирга Ўзбекистонда футзални оммалашишига муносиб улуш қўшиб келган.

Айнан "Ардус"да тўғри йўлга қўйилган сиёсат негизида кейинчалик "Бунёдкор", "Ломокотив" ва АГКМ жамоалари ўз таркибларини кучайтириб келдилар. Бу эса Ўзбекистон миллий  терма жамоасини илк маротаба ЖЧга чиқишида катта роль ўйнади.