Ла Лиганинг 20-турида "Леванте"га қарши уй ўйинида (2:0) "Сантьяго Бернабеу" трибуналарида клуб раҳбарининг истеъфосини талаб қилган чақириқлар янгради.
"Бу Флорентинони ёқтирмайдиган мухлислар эмас. Бу "Реал" Мадриднинг ўзини хуш кўрмайдиган одамлар.
Перес — клуб тарихидаги асосий фигуралардан бири, "Сантьяго Бернабеу" билан бир қаторда. Айнан у "Реал"ни бошқараётгани бизнинг омадимиз", – деди Арбелоа.
Флорентино Перес Мадрид клубини узоқ йиллардан бери бошқариб келмоқда. У илк бор 2000 йилда президентлик лавозимини эгаллаган, 2006 йилда уни тарк этган ва 2009 йилда яна "қироллик клуби" раҳбариятига қайтган.
Қайд этилишича, айрим мухлислар норозилиги жамоанинг сўнгги омадсизликлари билан боғлиқ. 14 январь куни "Реал" Испания Кубогининг 1/8 финалида "Альбасете"га 2:3 ҳисобида мағлуб бўлиб, сенсацион тарзда мусобақани тарк этди. Бир неча кун олдин, 11 январь куни эса мадридликлар принципиал рақиби — "Барселона"га Испания Суперкубоги финалида 2:3 ҳисобида мағлубиятга учраган эди.
