АҚШ – Ўзбекистон учрашувини гондураслик ҳакам бошқариб боради
29 авг 2023 13:25
Янгиликлар

АҚШ – Ўзбекистон учрашувини гондураслик ҳакам бошқариб боради

Сентябрь ойидаги ФИФА кунларида МТЖ АҚШда йиғин ўтказган ҳолда мезбон АҚШ ва Мексика терма жамоасига қарши ўртоқлик ўйинлари ўтказишидан хабарингиз бор.

9 сентябрь санасида бўлиб ўтадиган АҚШ ва Ўзбекистон ўртасидаги учрашувда ишлайдиган ҳакамлар номи маълум бўлди. Учрашувни бош ҳакам сифатида гондураслик Нельсон Сальгадо бошқариб боради. Унга қанотларда Лимануэль Сола ва Жаиро Моралес (Пуэрто-Рико) ёрдам беради. 4-расмий ҳакам вазифаси эса Мелвин Матаморосга (Гондурас) топширилган.

Эслатиб ўтамиз, мазкур учрашув "Сити Парк" стадионида бўлиб ўтади.

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +11