"Манчестер Юнайтед", "Ливерпуль" ва "Челси" жамоалари "Кристал Пэлас" вингери Майкл Олисега қизиқиш билдирмоқда. Бу ҳақда ESPN хабар бермоқда.
"Манчестер Юнайтед" футболчининг трансферини муҳокама қилмоқда. Манкунианлар шартномага 2019 йилда "Кристал Пэлас"дан 55 миллион еврога сотиб олинган ҳимоячи Аарон Уан-Биссакани қўшишга тайёр.
Олисе 2021 йилдан бери Лондон клубида ўйнаб келмоқда. 22 ёшли франциялик футболчи жорий мавсум АПЛда 9 та ўйин ўтказиб, 5 та гол урди ва 1 та голли пас узатди.
