UZ

Сўнгги янгиликлар

13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  1 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  16 08:21Депайнинг агенти: «Бу ёлғон»  10 07:50«Реал Мадрид» келаси ҳафта 2 нафар футболчи билан шартномани узайтирганини эълон қилади  0 07:28Суперлига. Бугун ғалаба қозонмаганларнинг тўқнашувига гувоҳ бўламиз  4

АПЛ. "Тоттенхэм" – "Арсенал" ва бошқа баҳслар учун превью Янгиликлар

АПЛ. "Тоттенхэм" – "Арсенал" ва бошқа баҳслар учун превью

Теглар :  Превью АПЛ
Англия чемпионатининг 11-тури бизга қизиқарли ўтиши кутилаётган “Шимолий Лондон дербиси” ва "Ливерпуль" – "Вулверхэмптон" тўқнашувини ваъда қилмоқда.

Ўтган тур хусусида

АПЛда секин-асталик билан лидерлар ажралиб бормоқда. "Тоттенхэм" ва "Челси" аллақачон "Ливерпуль"га қарши курашишга қодир бўлган чемпионликка асосий даъвогар сифатида тан олинган. Сўнгги турдаги ўзаро ўйинда жамоалар энг эҳтиёткор ва ёпиқ учрашувни ўтказишди. Дуранг уларнинг бирортасига очко йўқотган "мерсисайдликлар"дан ўтиб кетиб, бундан фойдаланиб қолишга имкон бермади.

"Эвертон" ва "Астон Вилла" навбатдаги муваффақиятсизликларини қарши олишди, улар кетма-кет учта ғалаба ва жадвалда бешинчи ўринни эгаллаб турган "Вест Хем"ни олдинга ўтказиб юборишди. Умуман олганда, тур шундай ўтдики, жадвалнинг юқори поғонасида турганлар очко йўқотишди. Нафақат "ирислар" билан "шерлар", балки "Лестер" билан "Саутгемптон" ҳам ютқазди. "Вест Хэм"дан ташқари, иккита Манчестер клуби синхрон ғалабаларга эришиб, ўз позицияларини яхшиладилар.

11-турни 14-ўринда кутиб олаётган "Арсенал" чўкишда давом этяпти. "Канонирлар"нинг рақибидан келиб чиқсак, улар яна бир неча ўрин пастга тушиб кетишлари мумкин.

Турнинг асосий интригалари

Моуринью Артетанинг истеъфо муддатини яқинлаштирадими ёхуд "тўпчилар" раҳбарияти "Артета лойиҳаси"га ишонишда давом этадими?

Деярли бир йилда Моуринью ва Артета ўрин алмашишди. Аслида уларнинг бошқарувга тайинланишларидаги фарқ сезиларли эди. Микель Пеп Гвардиоланинг шогирди эканлиги боис барчага унинг тезда "Арсенал"да ўзини кўрсатиб кетишига ишонди. Аввалига бу содир бўлди, ёш мутахассис ҳақиқатан ҳам жамоани "силкитиш"га муваффақ бўлди. Ёз узоқ вақт ичидаги биринчи совринни олиб келди ва янги мавсум воқеанинг ёқимли давомини тақдим этди. Аммо шундан кейин ҳаммаси ўзгариб кетди. "Арсенал" охирги 6 учрашувда фақат 1 та ғалабага эришиб, 14-ўринга жойлашган.

Қарама-қарши томонда "Тоттенхэм"га Жозе Моуринью тайинланди. Португалиялик эскирган иш услублари учун танбеҳ эшитди ва тез ўзгариб бораётган замонавий футбол учун номуносиб кўринди. Ҳа, шундай, лекин эндиликда "шпорлар" чемпионатнинг етакчилар гуруҳидан жой олиб, Европа Лигаси плей-офф босқичига йўл олишди. Жозенинг жамоаси шу қадар мустаҳкам бўлдики, улар "Манчестер Сити"дан ишончли тарзда устун туришга қодир.

Албатта, "Шимолий Лондон дербиси" мақоми учрашувга ўзгача маъно бағишлайди. Премьер-лига тарихида ҳеч қачон жамоалар ўртасидаги фарқ 12 ўринни ташкил қилмаган. Олдинги кўрсаткич – 11 ўрин. Ва бу 1993/94 йилги мавсумга тўғри келади (ўшанда "Тоттенхэм" 10-ўринда, "Арсенал" эса 21-ўринда эди).

Статистика Жозе Моуриньюнинг навбатдаги ғалабасини қўлга киритишига ишора қилмоқда. Португалиялик "Челси", "Юнайтед" ва "Тоттенхэм" бошқарувидаги даврида "Арсенал"ни ўн маротаба мағлуб этган.

Мойес "Манчестер Юнайтед"ни хафа қила оладими?

Ҳозирга қадар Англияда кам сонли одамлар ҳар қадамда қоқилиб юрган эски "Вест Хэм" қайга кетганини тушунтиришга қодир эмас. "Болғачилар" топ-клубларга қарши ўйинлар олдидан бир қатор қийин синовлардан ўтиб келишди. "Шеффилд Юнайтед" ва "Фулхэм" каби жамоалар билан яхши сериядан сўнг очко йўқотиш жуда хафа қилган бўларди. Шундай қилиб, Мойес жамоаси "Астон Вилла"ни ҳам мағлуб этиб, кетма-кет қозонилган ғалабалар сонини учтага етказди.

Бу улуғворликнинг натижаси – жадвалдаги бешинчи ўрин. Улар "Лестер"дан фақат бир очко орқада эканлигини ҳисобга олсак, кучли тўртликка кириш жуда қийин эмас. Шундай экан, Дэвид Мойес ижобий натижа учун максимал даражада ҳаракат қилади. Шунингдек, у собиқ иш берувчиларга ниманидир исботлашга уринади. Унинг ҳамкасби Оле Гуннар Сульшернинг босим остида эканлиги эса ҳеч кимга сир эмас.

Норвегиялик ҳафта ўрталарида "Манчестер Юнайтед"нинг Чемпионлар Лигаси плей-оффига чиқиш имкониятини шубҳа остига қўйди. "Саутгемптон" устидан қозонилган қаҳрамонона ғалабадан кейин ПСЖдан учралган мағлубият... Ўтажак учрашувда ким ғалаба қозонади – жавоб унчалик аниқ эмас.

Лэмпард ва Бьелсанинг эски ҳисоб-китоби ёки "Челси" – "Лидс" ўйини нега интригага бой?

Фақат дангаса одамларгина Бьелса атрофида айланган "Лидс" – "Дерби" баҳсига оид "айғоқчилар можароси" ҳақидаги ҳикояни ўқимаган. Чемпионшипнинг ўша пайтдаги икки етакчисининг юзма-юз учрашувидан олдин аргентиналик "Дерби"нинг учрашув махфий режасини билиш учун ўз одамини "қўчқорлар"нинг ўқув-базасига юборди. Лэмпард бундан хабар топгач, норозилик билдирди ва Бьелса жазоланди. Кейинчлик мураббийлар умумий тилни топишга муваффақ бўлишди, аммо шу вақтдан бошлаб матбуот учун аргентиналик ва инглиз ўртасидаги тўқнашув энг кутиладиганларидан бирига айланди.

Учрашувнинг яна бир интригаси – Патрик Бэмфорд. Бу "йиртқич" форвард ушбу мавсумда АПЛнинг 10 ўйинида 7 та гол урди. Нега буни ёдда тутишимиз керак? Гап шундаки, "Челси" ҳужумчини 18 ёшида сотиб олган. Бироқ Бемфорднинг Лондон клубидаги фаолияти давомида ҳеч қачон асосий жамоада ўйнаш имконияти берилмаган. Уни фақат ижарага беришган (нақ 6 марта). Ҳужумчи "Стэмфорд Бриж" майдонига умуман бошқа клубнинг либосини кийиб тушади ва унчалик ёмон эмаслигини кўрсатишга уринади.

Жума куни ўтказилиши лозим бўлган "Ньюкасл" – "Астон Вилла" учрашуви нима учун қолдирилди?

Бу интрига эмас, балки 11-турнинг асосий янгиликларидан биридир. "Ньюкасл"да коронавирус авж олиб, вазият жиддий тус олган. Одатда, АПЛ клублардаги юқумли касалликлар сонини эълон қилганда, исмларни айтмайди. "Ньюкасл" ҳам худди шундай қилди, фақатгина юқтиришнинг 7 та ҳолатини эълон қилди, улардан 4 таси – футболчи. Клуб барча машғулотларни бекор қилди ва машғулотлар марказини карантинга ёпди. 

Қолдирилган ўйин қачон ўтказилиши ҳозирча номаълум.

"Манчестер Сити" – "Фулхэм" (05.12 20:00)

"Манчестер Сити" сўнгги икки турда жуда қулай тақвимга эга. Масалан, ўтган турда "Бёрнли" аяб ўтирилмади (5:0), энди навбат "Фулхэм"га келди. Бироқ "Фулхэм" оддий жамоа эмасга ўхшайди, 9-турда "Эвертон"га осонликча ютқазмади (2:3) ва 10-турда барчани ҳайрон қолдириб, "Лестер"ни меҳмонда енгди (2:1). Афтидан, Скотт Паркер мавсум бошидан бери топа олмаган нарсасини топди. Қолаверса, унинг жамоасида жуда кўп жароҳатлар йўқ. "Манчестер Сити"да улардан бир нечтаси бор – Серхио Агуэро ҳамон майдонга тушишга тайёр эмас. Сўнгги пайтларда "шаҳарликлар" усиз ҳам кураш олиб боришни уддасидан чиқишмоқда.

"Сити" "Фулхэм" билан ўйинларда ҳеч қачон муаммоларга дуч келмаган. Ўзаро кечган охирги 9 та ўйиннинг барчасида ғалаба (тўплар фарқи: 27-3).

"Вест Хэм" – "Манчестер Юнайтед" (05.12 22:30)

"Вест Хэм" Майкл Антонио ва Андрей Ярмоленконинг йўқлигига қарамасдан, "Манчестер Юнайтед"ни енгиш учун қулай имкониятга эга.

Оле Гуннар Сульшер учун асосий йўқотиш – ПСЖга қарши ўйинда жароҳат олган Маркус Рэшфорд. Норвегиялик мутахассис ҳужумчининг қайтишига ишонса-да, аммо унинг ўйинни стартдан бошлашига умид жуда кам.

"Манчестер Юнайтед" ушбу мавсумда сафардаги учрашувларда сезиларли даражада яхши ўйин намойиш этяпти. "Қизил иблислар" қаторасига 8 та ғалабани қўлга киритишди. Уларнинг барчасида жамоа камида 2 та гол урди. Бошқа томондан, футболчилар ва мураббийларни олдинда ЧЛ доирасидаги "Лейпциг"га қарши муҳим ўйин кутмоқда. Кучни тежаш ва асраш жуда муҳим.

"Тоттенхэм" – "Арсенал" (06.12 21:30)

Жозе Моуринью ҳафта ўртасида Харри Кейнни ЛАСКга қарши учрашувда майдонга туширмади. Бундан ташқари, форварднинг озгина шикастланганлиги аниқланди. Шунингдек, Уго Льорисга дам олиш имкониятини беришди. Тоби, Регилон ва Винисиуснинг иштироки тўғрисида ҳам саволлар бор. Ламела аниқ ўйнамайди. "Арсенал"да камроқ йўқотиш бор – Парти ва Раул Хименес билан тўқнашган Давид Луиз.

Жамоалар бизга нима таклиф қилишади? Тўғрироғи, биринчи навбатда, Микель Артета. "Рапид"га урилган 4 та гол жуда хурсанд қилмаслиги лозим. "Тўпчилар"нинг ҳужуми жуда ёмон. АПЛдаги сўнгги 6 ўйинда 2 та гол(!). Агар Испаниялик мураббий ҳанузгача ўртача рақибларга қарши ўйинлар учун ечим топа олмаган бўлса, унда Моуринью жамоасининг "бетон" ҳимояси билан қандай бўлади?

"Тоттенхэм" ўз майдонидаги сўнгги 6 ўйинда "Арсенал"га ютқазмаган (тўрт ғалаба ва икки дуранг). Бешинчи ғалабани қўлга киритиш "шпорлар"нинг ўз қўлларида.

"Ливерпуль" – "Вулверхэмптон" (07.12 00:15)

"Вулверхэмптон" "Ливерпуль" билан ўйнашда ҳар доим қийинчиликка дуч келган. "Мерсисайдлар" бўлажак рақибига қарши АПЛда кетма-кет 7 ўйинда ғалаба қозонишди. Шу вақт ичида (2011 йилдан бери) "бўрилар" фақат бир марта ғалаба қозонишди – бу Англия Кубогида содир бўлган.

Қолаверса, "Вулверхэмптон" "Энфилд"га асосий "қуроли"сиз келади. Раул Хименес Луиз билан рўй берган даҳшатли тўқнашувдан сўнг узоқ вақт тикланади.

"Ливерпуль" "Энфилд"да АПЛнинг кетма-кет 64 та (!) ўйинида мағлубиятга учрамаган. Яна бир факт: Клоппнинг йигитлари жорий чемпионатнинг барча ўйинларида гол уришга муваффақ бўлишди.

Яна унутмаслик керакки, ҳафта ўрталарида "Ливерпуль"нинг аксарият ўйинчиларига Чемпионлар Лигаси доирасидаги "Аякс"га қарши ўйинда дам берилган. Барча кўрсаткичлар шуни кўрсатадики, "Ливерпуль" ғалаба қозониш учун сезиларли даражада кўпроқ ички захирага эга.

Шунингдек, ушбу турда қуйидаги тўқнашувлар гувоҳига айланамиз:

05.12 17:30 "Бёрнли" – "Эвертон"  

06.12 01:00 "Челси" – "Лидс" 

06.12 17:00 "Вест Бромвич" – "Кристал Пэлас"

06.12 19:15 "Шеффилд Юнайтед" – "Лестер"

07.12 22:30 "Брайтон" – "Саутгемптон"


Шерзод Нурматов тайёрлади.

Рейтинг: +5   

Фикрлар

championat.asia
< сўнгги янгиликларни кўриш
Яндекс.Метрика