АПЛ. "Манчестер Юнайтед" минимал ҳисобда ғалаба қозонди
14 сен 2019 20:54
Янгиликлар

АПЛ. "Манчестер Юнайтед" минимал ҳисобда ғалаба қозонди

Англия чемпионати 5-туридан ўрин олган учрашувлардан бири бўлиб ўтди.

Маркус Рэшфорднинг 8-дақиқада пеналтидан урган голи манкунианликларга ғалаба келтирди.

Манчестер Юнайтед

Маркус Рэшфорд - 8'

Премьер-лига . 5-тур

14/09/2019, 19:00

Тугади

Лестер

Стадион: Old Trafford, 73689 томошабин

Бош ҳакам: Мартин Аткинсон

45'

90'

Матч-центрда очиш

АПЛ. 5-ТУР. Марказий ўйин.

"Манчестер Юнайтед" - "Лестер" 1:0

14 сентябрь, 19:00, "Олд Траффорд"

Гол: 8, Рэшфорд (пенальти) - 1:0.

"Манчестер Юнайтед" – Де Хеа, Магуайр, Ван-Биссака, Линделеф, Янг, Мактомини, Перейра, Матич (67, Фред), Жеймс (90, Туанзебе), Мата (70, Чонг), Рэшфорд.

Захира: Ромеро, Жонс, Гомес, Гринвуд.

"Лестер" – Шмейхель, Рикарду Перейра, Эванс, Чилуэлл, Сеюнджю, Мэддисон, Чоудури (58, Перез), Грэй (68, Барнс), Ндиди, Тилеманс, Варди.

Захира: Уорд, Морган, Жастин, Прает, Ольбрайтон.

Огоҳлантириш: Мэддисон (75).

ТУРНИР ЖАДВАЛИ

УЧРАШУВ ЯКУНЛАНДИ. МЮ ҒАЛАБА ҚОЗОНДИ.

90+2. НДИДИИИИ! Кучли ва бироз ноаниқ зарба. Де Ҳеа реакция кўрсатишга кеч қолганди. Ҳисоб ўзгармай қолди.

Иккинчи бўлимга 4 дақиқа қўшиб берилди.

90. Ўзгариш. Жэймс ўрнига конголик Туанзебе тушди.

88. Перрейранинг 30 метрлардан берган зарбаси Шмейхелга қийинчилик туғдирмади.

83. Рэшфорррррд! Тўп тепдими, ўқ уздими? Дарвоза тўсини ва устуни кесишган жойни нишонга олди.

75. Огоҳлантириш. Мэддисон Мактоминининг оёғига қўпол ташланди ва Аткинсон буни кўриб турган эди.

70. Ўзгариш. Мата ўз ўрнини 19 ёшли Чонг га бўшатиб берди.

68. "Лестер" ҳам ўзгариш амалга оширди. Грей ўрнига Барнс туширилди.

67. МЮда ўзгариш. Матич ўрнига Фред тушди.

63. Иккинчи бўлимда тўп назорати 43-57(%). Меҳмонлар фойдасига.

57. Ўзгариш: Чодури ўрнига Айозе Перез тушди.

56. Мэддисон жарима зарбасини голга айлантиришига бир неча сантиметр ҳалақит берди. Бу ҳолатда Де Хеа жойидан силжишга ҳам улгурмаганди. Тўп дарвозани юқори тўққизлигининг ёнгинасидан ўтиб кетганди.

51. Мата кетма-кет иккита зарба берди. Биринчи аниқ зарбани Шмейхел қайтариб мувозанатни йўқотганди, аммо юзага келган ушбу вазиятда Мата иккинчи зарбада анчагина адашди ва имкониятдан фойдалана олгани йўқ.

50. Жэймс тўпга бурама зарба берди, бироз ноаниқ.

47. Ушбу ўйинга оид қизиқарли фикрларни Твиттер ижтимоий тармоғида #MUNLEI хэштеги орқали қидиқрув берган ҳолда топишингиз ва ўз фикрларингиз билан бўлишишингиз мумкин (албатта, хорижий тилларни билсангиз)

Иккинчи бўлимни меҳмонлар бошлаб беришди.

ТАНАФФУС

45. Биринчи бўлимга 2 дақиқа қўшиб берилди.

41. Ўйин темпи сўнгги 10 дақиқа ичида тушиб кетди. Тўп асосан майдон марказида ҳаракатланмоқда.

32. "Лестер" анча жонланиб қолди, улар ҳам бир неча марта Де Ҳеани безовта қилишга улгуришди. Чилвелнинг супер зарбаси ва чиройли сейв ҳам мана шу оралиқда содир бўлганини айтиш керак.

23. Мата майдон маразидан ҳужум бошлади. Жэймс чап қанотдан юриш қилди ва рақиб жарима майдончасига узатмани амалга оширди, аммо бу ерда МЮдан ҳеч ким йўқ эди.

20. Янг бурчакдан тўп узатди, Эванс уни қайтарди ва ҳужум бартараф этилди.

15. МЮ тўп назоратини қўлга олмоқда. Улар бу мавсум мағлубиятга учрамаган "тулкилар"дан устун келишяпти, ҳозирча.

8. ГОЛ! Рэшфорд бу сафар пеналтидан унумли фойдаланди - 1:0.

7. Пенальти борми? Аткинсон ВАР тизимидан фойдаланмоқда. Ҳа, ПЕНАЛЬТИ! Рэшфорд ишлаб олди ва ўзи тепади.

6. Харри Магуайр бугун ўзининг собиқ жамоадошларига қарши ўйнамоқда.

4. Арғимчоқ усулидаги ўйин бошланиб кетди. Бу сафар сейв қилиш навбати Де Хеага келганини кўрдик. Мэддисон зарбасини испаниялик посбон ўз маҳоратини кўрсатиб, тўпни қайтариб юборди.

3. МЮ стандарт вазиятга эга бўлмоқда. Зарбааа! Перейранинг кучли ва юқори тўққизликка берган зарбасини Каспер Шмейхель бир амаллаб қайтаришга эришди. Бурчак тўпи.