UZ

Сўнгги янгиликлар

02:18"Наполи" футболчилари Марадона фамилияси ёзилган либосларда майдонга тушиб келишди  0 01:41"Арсенал" "Зенит"нинг рекордини янгилади  0 01:20Рус клублари ушбу мавсум еврокубокларда ғалабага эриша олмади  1 00:57ЕЛ. "Арсенал"да йирик ғалаба, "Милан" ҳамда "Лестер" дуранг ўйнади ва бошқа натижалар  3 00:37Маран: "Элдор ўйинга темп бера олди, бундан хурсандман"  18 00:14Европа лигаси. "Тоттенхэм", "Рома" ва бошқа жамоаларнинг асосий таркиблари маълум!  2 23:52Видаль ҳакамга нима дегани маълум бўлди  11 23:39Одамларни ўлдиришга давъат қилган "Қорабоғ" матбуот котиби бир умрга футболдан четлатилди  3 23:26Пьер-Эмерик Обамеянг: "Арсенал" бутун дунёни ажаблантиришни истайди"  9 23:20"Футбол ретро талқинда" (83-сон)  4 23:13"Эвертон"да катта йўқотиш  0 23:00Италия Кубоги. "Женоа"нинг навбатдаги рақиби - "Ювентус"  39 22:57Италия Кубоги. Шомуродов ўйин тақдирини ўзгартириб юборган баҳсда "Женоа" ғалаба қозонди  175 22:43Ибрагимович: "Марадона ўлмаган, у ўлмайди"  2 22:29Моуриньо: "Клопп 2015 йилда билган нарсани мен 2004 йилда билиб бўлгандим"  10

АПЛ. "Манчестер Юнайтед" – "Арсенал" ва 7-турнинг бошқа баҳслари учун превью Янгиликлар

АПЛ. "Манчестер Юнайтед" – "Арсенал" ва 7-турнинг бошқа баҳслари учун превью

Теглар :  Превью АПЛ
АПЛнинг қайсидир тури кутилмаган сенсацияларсиз ўтадими? Йўқ!

Чемпионат етакчилари бир вақтнинг ўзида қоқилиб, таъқибчиларни олдинга ўтказиб юборишди. "Эвертон", "Ливерпуль", "Астон Вилла", "Лестер", "Тоттенхэм" ва "Лидс" жадвалнинг юқори қисмига битта гуруҳ бўлиб, тизилиб олишган.

"Челси", "Арсенал", "Манчестер Юнайтед" ва "Манчестер Сити" қандай қилиб ва ниманинг эвазига мусобақа жадвалининг ўртасидан юқорига чиқиши ҳозирча аниқ эмас. Жамоаларнинг зич жойлашиб олгани сиз-у бизни ваҳима қўзғатмасликка чорлайди, лекин ҳеч бўлмаса, "қачон барқарор ғалабалар кузатилади ва биз энг яхши клубларни одатдаги ўринларида кўрамиз?" деган саволни ўртага ташлашга ҳақлимиз.

Ҳар бир очко 3 та аутсайдер клубга қувонч келтиради.  Еттинчи турда улар очколарни қўлга киритиш учун турлича имкониятларга эга бўладилар. 

Турнинг асосий интригалари

Тўққиз клубдан қайси бири юқори ўринга чиқади?

Сўнгги уч мавсумда биринчи марта АПЛда мисли кўрилмаган интрига гувоҳига айландик. Еттинчи турга қадар барча жамоалар камида бир марта мағлуб бўлишди. Энди "Манчестер Сити" ва "Ливерпуль"нинг бошқаларга бироз зерикарли туюладиган устунлиги йўқ. Уч йил олдин, "шаҳарликлар" МЮ билан бирга еттинчи турга қадар тўртинчи ўриндаги жамоадан беш очко олдинда юришга муваффақ бўлиб, жадвалда пешқадам эдилар.

Икки йил олдин "Ливерпуль" олтитадан олтитасини "нокаут" билан тугатган эди, "Челси" ва "Ман Сити" бешта ғалаба ва битта дуранг қайд этишганди.

Ҳозирги ҳолат қандай? Тўққизинчи ўриндан биринчи ўринни атиги уч очко ажратиб турибди!

Эслатиб ўтамиз, Премьер-лигада очколар тенг бўлиб қолганда, биринчи навбатда урилган ва ўтказиб юборилган голлар фарқи инобатга олинади.

"Брайтон" Кейн-Сон жуфтлигини тўхтата оладими?

"Тоттенхэм"га қарши баҳсда "Бёрнли" дурангга эришай деб турганида, Кейн-Сон жуфтлиги ҳаммасини ҳал қилиб кетди. Ушбу мавсумнинг энг самарали жуфтлиги яна бир бор "шпорлар"нинг ғалабасини таъминлаб, Жозе Моуриньюни хурсанд қилди. Олтинчи турдан сўнг кореялик футболчи Премьер-лиганинг ушбу мавсумдаги тўпурарлари рўйхатида биринчи ўринга кўтарилиб олди. Кейн саккизта голли паси билан ассистентлар орасида биринчиликни қўлга олди. Энг қизиғи, англиялик ҳужумчи еттита пасини Сонга узатган.

Унутмаслик керакки, ҳали мавсумнинг ярми ҳам ўтмади. Маълумот учун, Фрэнк Лэмпард ва Дидье Дрогба АПЛ доирасида 36 марта бир-бирини голли узатма билан таъминлаган. Ҳозир "Тоттенхэм" дуэтида жами 29 та голли узатма мавжуд. Агар улар ҳозирги темпда давом этишса, Челсичилардан ўзиб кетишади.

Пикфорд қандай ҳолатда?

"Ливерпуль" дербисидан кейин Жордан Пикфорд инглиз футболида энг кўп тилга олинган фигуралардан бирига айланди. "Эвертон" дарвозабони Виржил ван Дейкни атайин жароҳатладими ёки йўқ, билмаймиз, лекин нима учун бош ҳакам ҳеч қандай жазо тайинламади? 

"Ливерпуль" билан ўйиндан сўнг Пикфорд кўплаб таҳдидларга дуч келмоқда. Дарвозабонни ижтимоий тармоқларда ҳам тинч қўйишмаяпти. "Эвертон" посбонида ўзи ва оиласини ҳимоя қилиш учун хавфсизлик ташкилоти хизматига мурожаат қилишдан бошқа йўл қолмади.

Ҳатто энг хотиржам одамни ҳам бу ҳолат халоватидан осонгина айириши мумкин. Пикфордга аллақачон ижтимоий тармоқлардан вақтинча фойдаланишни тўхтатиш тавсия қилинган. Агар дарвозабоннинг руҳияти яхши бўлмаса, бу "Эвертон"нинг натижаларига таъсир қилиши мумкин.

Қачон "Челси", "Арсенал", МЮ ва "Ман Сити"да барқарорлик таъминланади?

Ҳозирча ушбу тўрт жамоадан фақат "Арсенал" кетма-кет иккита ғалабага эришди. Ва бу мавсумнинг бошида, дастлабки икки турда содир бўлди.

Беқарорликнинг сабаблари ҳар бир клубда ҳар хил.

"Манчестер Сити" энг яхши формасидан анча йироқда. Уларнинг ғалаба қозонишига аминмисиз?  Биз эса йўқ.

"Бёрнли" гарчи пастки ўринда осилиб турган бўлса-да, "Тоттенхэм" билан учрашувда уч очкодан осонликча воз кечмаслигини кўрсатди. Ва "Челси" албатта, шундай тақдирга дуч келади.

"Манчестер Юнайтед" ва "Арсенал" ўзаро учрашишади. Бу шуни англатадики, кимдир, балки иккала жамоа ҳам очко йўқотиши муқаррар. 

"Бёрнли" – "Челси" (31.10 20:00)

"Бёрнли" сўнгги ўзаро учрашувларда "Челси" учун жуда қулай рақиб бўлиб келган. Лондонликлар 5 та ўйинда 4 та ғалаба ва 1 та дурангга эга бўлиб, 15 та гол уришган. Лэмпард ҳужум ва ҳимоядаги мувозанатни топишга қийналмоқда: кўпинча ҳужум жуда зўр ўйнаб, ҳимоя муваффақиятсизликка учрайди ёки аксинча. Яқинда ўтказилган "Краснодар" билан ўйинда барчаси бирлашди. "Челси" устози "Бёрнли" билан учрашувда мана шу кайфиятни сақлаб қолишни кутмоқда. 

Бунга ишонишга бир талай сабаблар бор – Мендининг ишончли ўйини, ҳафта ўрталарида дам олган Силванинг қайтиши ва ҳужум чизиғининг 100%лик тайёргарликка эгалиги.

"Ливерпуль" – "Вест Хэм" (31.10 22:30)

"Ливерпуль"нинг марказий ҳимоя билан боғлиқ ҳолати ҳалокатли кўриниш ҳосил қилган. Клопп Ван Дейкнинг жароҳати ва Матипнинг "мўрт"лигини ҳисобга олган ҳолда Фабиньони ҳимоя марказига ўтказди. Чемпионлар лигаси ўйинида бразилияликка шикаст етди. Эҳтимол, "Вест Хэм" билан ўйинда Гомес ва ёш Уильямс майдонга тушрилиши мумкин.

"Болғачилар" етакчи клубларнинг асабларини титратмоқда. Масалан, "Манчестер Сити" сўнгги турда улар билан зўрға дуранг ўйнади.

Англиялик ҳамкасбларимизнинг ёзишларича, лондонликлар катта эҳтимол билан "Энфилд"га Майкл Антониосиз етиб келишади. У сафдан чиққан. 6 ўйинда 3 та гол урган форвард Мойес жамоасининг ҳужумдаги потенциалига таъсир кўрсатадиган катта йўқотиш.   

"Манчестер Юнайтед" – "Арсенал" (01.11 21:30)

"Манчестер Юнайтед" "Арсенал"дан бир кун олдин УЕФА Чемпионлар Лигасида ўйнади, унда кўплаб асосий таркиб аъзолари қатнашишди. Европа Лигасида "Дандолк" билан ўйнаган "канонирлар" таркибида эса сезиларли ўзгаришлар юз берди. Жумладан, дарвозани илк бор Рунарссон қўриқлади, асосан, захирада ўтирадиган Уиллок, Нелсон 11 таликда майдонга туширилди.

Бевосита АПЛ ҳақида гап кетганда, "Арсенал" жуда ёмон кўринади. Жамоа сўнгги бешта ўйинда фақат "Фулхэм" устидан ғалаба қозонган бўлса, "Ман Сити", "Ливерпуль", "Астон Вилла" ва "Тоттенхэм"га умумий 2:7 ҳисобида мағлуб бўлган.

МЮ "Челси" билан эҳтиёткор ўйин кўрсатиб, нурсиз дурангга эришди, "Арсенал" билан эса қуруқ ўйнаш камдан кам учрайди. Охирги марта бундай ҳодиса олти йил олдин лондонликлар майдонида содир бўлган. Хуллас, кутамиз ва кузатамиз.

"Тоттенхэм" – "Брайтон" (31.10 22:30)

"Тоттенхэм" Европа Лигасида Бельгиянинг "Антверпен" клубига ютқазиб, барчани ҳайратда қолдирди. Эндиликда Жозе Моуринью ғалаба йўлига қайтиш ҳақида бош қотираётган бўлса керак.

Моур бу мавсум АПЛда уйдаги биринчи ғалабасини қайд этиш учун ўз ўйинчилари олдига юқори талабни қўйиши аниқ.

Ушбу ўйинда мезбонларга Танганга жароҳат туфайли ёрдам беролмайди, меҳмонларда эса бир нечта йўқотишлардан ташқари дисквалификация сабаб Данк ўйинни ўтказиб юборади.

Шунингдек, ушбу турда қуйидаги учрашувлар ўтказилади:

31.10 01:00 "Вулверхэмптон" – "Кристал Пэлас"  

31.10 17:30 "Шеффилд Юнайтед" – "Манчестер Сити" 

01.11 17:00 "Астон Вилла" – "Саутгемптон"

01.11 19:00 "Ньюкасл" – "Эвертон"

02.11 22:30 "Фулхэм" – "Вест Бромвич"

03.11 01:00 "Лидс" – "Лестер" 


Шерзод Нурматов тайёрлади.

Рейтинг: +9   

Фикрлар

+2   
31 окт 06:47:23
RMa,AcM,Nav
Myu echldagi kayfiyatda o'ynasa yorvoradi omad 2jamoagaham
+2   
31 окт 05:46:58
Man_Utd Norin
Man Yunaytedimga omad 2011-yil 28-avgustdagi hisobni bir takkrorlanglarchi
+1   
31 окт 11:17:11
Muzrobshoh
МЮ шу уйинниям олса, уёгига кайфият билан шу темпла давом этиш мумкин булади, узига ишонч ортади болларда.
Так держать
GGMU!!!
+1   
31 окт 09:59:10
Tohirjon_ars
Solasan Arsensal!!!!!!! Biz ushonamiz olg'a.
   
31 окт 16:26:01
Shox ManYu N_1
APLni dastlabki turlari bunday boshlanadi deb xech kim kutmagan bo'lsa kerak! Xammaga omad! Davay ManYu
   
31 окт 09:24:43
dj_javohir
Mustafo7700 фойдаланувчининг фикрига жавоб бериш
Arsenal Myuga qarshi 6yl oldin quruq shotta oynagammi? Chunmadim
0:0 булган дейиляпти, колган уйинларда гол урилган албатта.
   
31 окт 08:44:48
Mustafo7700
Arsenal Myuga qarshi 6yl oldin quruq shotta oynagammi? Chunmadim
   
31 окт 02:36:32
tottenhamm
Тоттенхэмга омад
   
31 окт 00:48:23
CH E L S E A
Xudo xoxlasa Chelsea yutadi yuqorilashda davom etamiz...
championat.asia
< сўнгги янгиликларни кўриш
Яндекс.Метрика