UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  6 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

АПЛ. "Ливерпуль" - "Арсенал" ва бошқа ўйинлар учун превью Янгиликлар

АПЛ. "Ливерпуль" - "Арсенал" ва бошқа ўйинлар учун превью

Теглар :  Превью АПЛ
Англия чемпионати 3-турига тааллуқли муҳим маълумотлар билан бўлишамиз.

Премьер-лиганинг аксарият клублари учун чемпионатнинг учинчи тури бошланади. Иккинчи ўйинни ўтказадиган жамоалар – "Манчестер Юнайтед", "Манчестер Сити", "Бёрнли" ва "Астон Вилла".

Жорий мавсумнинг иккинчи тури тарихга кирди – унда 20 та жамоа иштирок этган мавсумлар тарихидаги энг кўп гол урилди (44 та гол). Фақатгина "Ньюкасл", "Челси" ва "Шеффилд Юнайтед" бундан мустасно. Бир томондан ғолиб жамоаларнинг мураббийлари бундай кўрсаткичдан мамнун бўлса, бошқа томондан улар ўтказиб юборилган голлар сонидан хавотирда. "Эвертон" ва "Тоттенхэм" рақиблари дарвозасига бешта тўп киритишди, аммо иккита тўпни ўз дарвозаларидан олиб чиқдилар.

Учинчи тур қандай ўтади? Баъзи клублар ютуқли ҳаракатни давом эттиришга интилишади, бошқалари эса муваффақиятсизликка учраганликлари учун ўзларини тиклашга интилишади. Келинг, олдинда бизни нима кутаётганини аниқлашга ҳаракат қиламиз. 

Турнинг асосий интригалари

"Манчестер Юнайтед"дан кетма-кет иккинчи мағлубиятни кутишимиз керакми?

Тақвим "Манчестер Юнайтед" учун "кутилмаган" рақиб тайёрлади. "Кристал Пэлас" ўтиб бўлмайдиган тўсиққа ўхшамайди, бироқ Сульшер жамоаси "қоқилиб кетди". Чемпионатнинг бошланиши яна манкунианларнинг ҳимоя маркази билан боғлиқ муаммоларга эътиборни тортди. Гари Невиллнинг ишонч билан айтишича, "Манчестер Юнайтед" марказий ҳимоясини кучайтирмасдан туриб АПЛда ғолиб чиқмайди. Сульшер эса ҳимоя чизиғини кучайтиришга ҳожат йўқлигига ишонади ва жамоада муносиб ижрочилар бор деб ҳисоблайди. Бундан ташқари, норвегияликнинг сўзларига кўра, МЮнинг ишлари юришиб кетиши учун тўрт-бешта учрашув керак бўлади. Бу вақт ичида рақобатчилар қанча балл тўплашини тахмин қилиш кифоя.

Кутилмаган етакчилар жанги

Клуб Дукуре, Хамес Родригес ва Аллан даражасидаги ўйинчилар билан кучайтирилса, хоҳласа ҳам, хоҳламаса ҳам – умидлар булутга қадар кўтарилади, ҳатто ундан ҳам юқорига. Буларнинг бари мева бера бошлади. "Эвертон"нинг натижалари барчасини кўрсатиб турибди. Лига ва Кубокнинг тўртта учрашувида Анчелотти жамоаси 14 та гол уриб, 4 та ўтказиб юборди. Хамес ва жамоа мунтазам равишда Ричарлисон ва Калверт-Льюин каби тўпурарларни қулай пас билан таъминламоқда.

Эндиликда ғалаба йўлида "Эвертон"га "Кристал Пэлас" тўғаноқ бўлиши кутилмоқда. Бу ерда сюрприз – "бургутлар"нинг чемпионат бошидаги иккита ғалабаси. Мотивацияни йўқотиб қўйган Хожсон шогирдлари ўтган мавсум сўнгида мунтазам равишда гол ўтказиб юборишди ва рақибларга шунчаки очко тарқатишди. Янги мавсум бошидан бошлаб "Пэлас" бутунлай бошқача жамоа сифатида пайдо бўлди. Жамоа ўзини "йиғиб олган" ва ғалабага чанқоқ.

"Вулверхэмптон" "Лестер"нинг "копия"сими?

АПЛда талабчан жамоалар етарли. "Лестер" ва "Вулверхэмптон" бунга ёрқин мисол бўла олади. Иккала клуб ҳам бир қадам олдинга интилиб, ҳеч бўлмаганда мавсум охирида кучли тўртликка киришга интилмоқда. Амалиёт кўрсатиб турибдики, ушбу мақсадга эришиш учун жадвалнинг пастки қисмидан ўрин олган рақибларни мағлуб қилишнинг ўзи етарли эмас. Тўғридан-тўғри рақобатчилар билан ўйинларда қандай натижа кўрсатиш ўта муҳим.

Шунинг учун классик топ-6'ни енгиш исталган клуб учун синов ҳисобланади. Сўнгги турда "Вулверхэмптон" бундай синовда муваффақиятсизликка учради ("Ман Сити"дан мағлубият, 1:3). Энди Гвардиола жамоаси "Лестер"ни синовдан ўтказади. Маълумот учун, Рожерс ўтган мавсумда иккала дуэлда ҳамкасбига умумий 1:4 ҳисобида ютқазган.

"Брайтон" – "Манчестер Юнайтед" (26.09 16:30)

"Брайтон" иккинчи турда "Ньюкасл"га ҳеч қандай имконият бермади ва ҳафта ўрталарида Лига Кубогида ғалаба қозониб, ўз ўйинлари бўйича яхши таассуротларни мустаҳкамлади. Ўз ўрнида биринчи турда "Челси"дан қабул қилиб олинган мағлубиятни ҳам унутмаслик лозим.

Поттер жамоасининг қайси турнирда ўйнаши, учрашув даражаси қандай эканлигидан қатъи назар уйда негадир "ишлар юришмайди". АПЛ, Кубок ва ўртоқлик ўйинларидан иборат охирги 15 ўйинда бор-йўғи уч ғалаба, олти дуранг ва шунча мағлубият қайд этилган. Бу МЮ учун чемпионатда дастлабки уч очкога эга бўлиш имконияти эмасми? Бундан ташқари, "Манчестер Юнайтед" нафақат АПЛнинг сўнгги тўртта ўйинида ғалаба қозонди, балки уларда битта ҳам гол ўтказиб юбормади.

"Кристал Пэлас" – "Эвертон" (26.09 19:00)

Чемпионатнинг икки етакчиси ўртасидаги асосий фарқ – "Эвертон" ҳафта ўрталарида ўйнади, "Кристал Пэлас" эса йўқ. Анчелотти "Флитвуд"га қарши баҳсда захирадаги футболчиларга тўлиқ ишонмади, уларга асосий футболчиларни бириктириб қўйди. Бунинг учун у озгина хун ҳам тўлади - Калверт-Льюин танаффус вақтида жароҳати туфайли алмаштирилди. Италияликнинг бахтига ҳужумчи билан ҳаммаси жойида ва у "Пэлас"га қарши ўйинда иштирок этиши мумкин.

Хожсон бошланғич таркибни деярли ўзгартирмайди, шу боис бу Миши Батшуайига ўз фазилатларини тўлиқ намойиш этишига имкон бермаяпти. Мавсум бошидаги "Кристал Пэлас" ҳужуми ишончли ўйнамоқда. Кэхилл, ван Анхолт ва Томкинс йўқлигига қарамасдан мудофаа ҳам тартибли ўйин кўрсатяпти.

"Вест Бромвич" – "Челси" (26.09 21:30)

"Ливерпуль"дан учралган мағлубиятдан кейинги бир ҳафта ичида Френк Лемпарднинг кайфияти яхшиланган бўлиши керак. Аввало, бу Хаверцнинг Кубок баҳсидаги хет-триги билан боғлиқ. Иккинчидан, янги дарвозабон билан шартнома имзоланиши. Фрэнк Кепани матбуот олдида қандай ҳимоя қилмасин, "самарали" хатолар давом этаётганди. Менди АПЛнинг учинчи турида дебют қилиш еҳтимоли кам, аммо кейинчалик испаниялик дарвозабоннинг асосийдаги ўрни катта сўроқ остида қолмоқда.

Тиаго Силва ҳафта ўрталарида дебютини ўтказди, аммо Зиеш ва Пулишич ҳали ҳам ўйиндан ташқари ҳолатда. Лэмпард оптимистик руҳда деса бўлаверади, чунки вингер ва хавбек аллақачон жамоа билан машғулот ўтказмоқда. Бу ўйинда Бен Чилуэлл эҳтимол биринчи марта стартда пайдо бўлади. "Вест Бромвич" икки турда саккизта гол ўтказиб юборди ва сўнгги поғонада мустаҳкам турибди. Славен Билич асаб тизимини зарарлашда давом этяпти. "Эвертон"га қарши ўйинда хорват Майк Дин билан тортишгани учун четлатилганди. Бундан ташқари, Киран Гиббс қизил карточка олгани боис "Челси"га қарши ўйнамайди.

"Бёрнли" – "Саутгемптон" (26.09 23:59)

"Бёрнли" "Лестер" билан ўйинда охиригача кураш олиб борди, фақат энг охирида қўлларини ташлаб қўйди. Уларнинг 2:4 ҳисобидаги мағлубиятини "Саутгемптон"нинг "Тоттенхэм"га қарши (2:5) мағлубияти билан таққослаш мумкин эмас. Шон Дайч бирданига еттита ўйинчига умид боғлай олмайди, лекин у сафдаги мавжуд футболчилардан ишончли таркибни яратишга муваффақ бўлмоқда.

Ҳозирча "Саутгемптон" ҳақида бундай дея олмаймиз. Даҳшатли формадан ташқари, ички статистика меҳмонларга қарши гапиради. Охирги марта "Бёрнли" юқори дивизионда ва ўз уйида "Саутгемптон"га 49 йил олдин ютқазган эди. "Саутгемптон" саккиз йил ичида биринчи марта мавсумни кетма-кет учта мағлубият билан бошлаши мумкин. Бу ҳақиқатга яқин.

"Тоттенхэм" – "Ньюкасл" (27.09 18:00)

"Тоттенхэм" мураккаб тақвимдан муносиб чиқиб кетмоқда. Лондонликлар АПЛ, Европа Лигаси ва Лига Кубогида босқичма-босқич ғалаба қозонишмоқда. Лига Кубогида "Лейтон Ориент" билан тўқнаш келиши лозим эди, аммо техник мағлубият билан "тақдирланди". Бу Моуриньюга осонлик туғдирмайди, чунки олдинда бирин-кетин учрашувлар бор.

Биз қанчалик хоҳлашимиздан қатъи назар, Бэйл ва Регилон ҳали ҳам асосий жамоадан йироқда. Ҳозирда янги келганлардан ташқари, лондонликларда йўқотиш йўқ. "Ньюкасл"да аввалги жароҳат олганлар қаторига Сент-Максимен қўшилди. "Ньюкасл" "Брайтон"дан ўз уйида мағлубиятга учраганидан кейин кўтаринки руҳда бошланган мавсумни "бузди". "Тоттенхэм" сўнгги олти учрашувнинг бештасида ғалаба қозонганлигини ҳисобга олсак, мезбонлар ҳеч қандай муаммога дуч келмаслиги керак. Бундан ташқари, Жозе яқинлашиб келаётган қийин тақвимда захира вакилларига Лига Кубоги ўйинида таянишини таъкидлади. АПЛдаги учрашув эса муҳимроқ.

"Манчестер Сити" – "Лестер" (27.09 20:30)

"Манчестер Сити" нооптимал формада ҳам кучли "Вулверхэмптон"ни енгишга муваффақ бўлди. Гвардиола Лига Кубогида бир қатор академия футболчиларига тўлиқ ишонди. Бироқ "Борнмут"ни ютиш учун барибир асосий таркиб футболчиларини майдонга туширишга тўғри келди.

Гвардиола Агуэро, Силва, Гюндоган, Канселу, Зинченко, Жезус ва Лапортга умид боғлай олмайди. Назарий жиҳатдан, бу Рожерс учун енлиллик бериши керак.

Бундан ташқари, жамоада Эванс дисквалификациядан кейин қайтди ва Мэддисоннинг спорт формаси шаклланишда давом этмоқда. Аммо шу билан бирга, "Лестер" жарроҳлик амалиётига муҳтож бўлган Ндидини йўқотди ва ҳозирча Ундерга ҳам умид боғлай олмайди.

"Лестер" "Манчестер Сити"га қарши сафарда ўтказган сўнгги бешта ўйинининг тўрттасида мағлуб бўлган. Меҳмонларнинг фахрланиши мумкин бўлган ягона нарсаси – бу сафарда урилган гол.

"Ливерпуль" – "Арсенал" (28.09 23:59)

Микель Артетанинг Юрген Клоппга қарши учинчи учрашувини кутмоқдамиз. Олдинги иккита дуэл, қанчалик ғалати туюлмасин, испаниялик мутахассис тарафида бўлди. Дастлаб, "Арсенал" унинг бошчилигида "Ливерпуль"ни чемпионатда мағлуб этди. Ҳа, "Ливерпуль" аллақачон чемпион мақомини олганди, аммо бу Артетанинг мураббийлик қобилиятини инкор этмайди. Иккинчи муваффақият – янги мавсумни очиб берган Англия Суперкубоги.

Биз олдинда дастлабки икки турда максимал очко тўплаган икки жамоанинг учрашувини кутяпмиз. Бундан ташқари, ушбу ғалабалар бироз ўхшаш. "Ливерпуль" "Лидс"дан ғалабани тортиб олган бўлса, "Арсенал" "Вест Хэм"ни қийинчилик билан мағлуб этди. Гарчи чемпионлар "Челси"га сафар уюштиришган бўлса-да, лондонликлар ўша учрашувда катта қаршилик кўрсата олишмади.

"Арсенал" ҳақида уларнинг "Энфилд"даги статистикаси "гапирмоқда". Лондонликлар сўнгги бор саккиз йил олдин "Ливерпуль"нинг уй стадионида ғалаба қозонган эди. Бу вақт ичида улар бешта мағлубият ва иккита дуранг билан умумий 9:24 ҳисобини қайд этишди. Артета билан икки учрашув, албатта, Клоппга ўйлаш учун жуда кўп "масаллиқ" берди ва энди аввалги хатоларга йўл қўймасликка максимал ҳаракат қилинади. Бу ўйинни шунчаки томоша қилиш ва мураббийларнинг ишланмалари, футболчиларнинг майдондаги маҳоратидан баҳра олиш керак.


Шунингдек, ушбу турда қуйидаги баҳслар ўтказилади:

27.09 16:00 "Шеффилд Юнайтед" – "Лидс" 

27.09 23:00 "Вест Хэм" – "Вулверхэмптон" 

28.09 21:45 "Фулхэм" – "Астон Вилла"


Шерзод Нурматов тайёрлади. 


Эслатиб ўтамиз, бугун Eplmanager.com'да янги совринли лига старт олади 

Рейтинг: +4   

Фикрлар

championat.asia
< сўнгги янгиликларни кўриш
Яндекс.Метрика