Англия чемпионатида ўйнайдиган энг кекса футболчини биласизми?
22 янв 2021 15:00
Янгиликлар

Англия чемпионатида ўйнайдиган энг кекса футболчини биласизми?

Тиббиёт ва технологияларнинг ривожланиши футболда ёш чегарасини юқорига кўтаряпти.

Кеча Франция чемпионатида ўйнайдиган 43 ёшли Виторино Илтон ҳақида маълумот берган эдик. Бугун АПЛнинг энг кекса ўйинчисига тўхталишни лозим топдик.

Бу — "Челси" дарвозабони Вильфредо Кабальеро. У 1981 йилда Аргентинада туғилган. "Бока Хуниорс" тарбияланувчиси 2004 йилда Европага кўчиб ўтган эди ("Эльче"га). Фаолияти давомида "Малага", "Манчестер Сити" ва "Челси" клублари дарвозасини қўриқлаган посбон терма жамоага илк бор 2018 йилда (37 ёш) жалб қилинган эди.

Жорий йилда 40 ёшни қарши оладиган футболчи ва "Челси" ўртасидаги шартнома 2021 йилнинг 30 июнига қадар амал қилади.

"Қариялар рўйхати"да 2-поғонани "Шеффилд Юнайтед" ҳимоячиси Филип Ягелка эгаллаб турибди. Узоқ муддат давомида "Эвертон" шарафини ҳимоя қилган англиялик футболчи август ойида 39 ёшни қарши олади.

Ҳавола :

Манба : championat.asia

Янгиликларни Телеграмда ўқинг!

Рейтинг: +11