Андрей Шипилов: "Ҳақли равишда кучли олтиликдан жой олдик"
18 авг 2018 08:37
Янгиликлар

Андрей Шипилов: "Ҳақли равишда кучли олтиликдан жой олдик"

АГМК – “Металлург” учрашувидан сўнг меҳмонлар устози Андрей Шипилов қуйидагича фикр билдириб ўтди:

- Бугунги ўйин олдидан мусобақа жадвалидаги ўрнимиз бизни фақат ғалаба қозонишга ундарди. Шу сабабдан бутун ҳафта давомида ҳам тактик, ҳам руҳий жиҳатдан бугунги баҳсга пухта ҳозирлик олиб боришга уриндик. Рақибнинг ҳам кучини яхши билардик. Асосан ўйин тизгинини қўлга олишга уриндик. Қарши ҳужумларда рақибни яхши жазолай олдик. Кескин курашларга бой ўйин гувоҳига айландик. Якунда ўйинни ўз фойдамизга ҳал этиб, ҳақли равишда кучли олтиликдан жой олдик, - деди мутахассис.