UZ

Сўнгги янгиликлар

20:35Суперлига. "Қизилқум" – "Локомотив" 0:0 (матнли трансляция)  5 20:07Суперлига. ОКМК - «Бунёдкор» 1:0 (Матнли трансляция)  3 19:45"Ливерпуль" "Ювентус" ҳимоячисини сотиб олмоқчи  0 19:19"Челси" ва "Атлетико" "Атланта Юнайтед" ўйинчисига даъвогар  1 18:43"Манчестер Юнайтед" ва "Атлетико" "Болонья" ҳимоячисига қизиқмоқда  0 18:00Максим Шацких: "Украина терма жамоаси ҳозирги таркиб билан Еврода узоққа бориши мумкин"  16 17:26Про лига. "Машъал" сафарда "Олимпик-MobiUz" билан дуранг ўйнади  4 17:11АПЛ болбойларнинг ўйинга таъсирини чеклайди  1 16:45МЮ "Ювентус" футболчиси учун ўз вингерини беришга ва қўшимча тўлов қилишга тайёр  1 16:11"Барселона" тарбияланувчисини қайтармоқчи  2 15:41"Ницца" АПЛ клублари қизиқаётган ҳимоячиси учун нарх белгилади  0 15:10ПСЖнинг 2 нафар футболчиси сафга қайтди  0 14:08Шенсни "Юве"да қолиши учун маоши камайишига рози бўлиши керак  1 13:40Гризманн қайтди  1 13:21Дилмурод Назаров хотирасига бағишланган "Наврўз Кубоги-2024" мусобақаси қандай ўтди?  9

"Андижон"нинг Суперлигадан тушиб кетиши, 18-рақамни танлаши ва мураббийлар ҳақида" - Абдуғани Камолов билан интервью Янгиликлар

"Андижон"нинг Суперлигадан тушиб кетиши, 18-рақамни танлаши ва мураббийлар ҳақида" - Абдуғани Камолов билан интервью

2021 йил Суперлигадан тўғридан-тўғри тушиб кетган яна бир жамоа "Андижон" ҳисобланади.

"Бургутлар" мавсум давомида турли даражада ўйинларни ўтказишди. Айрим баҳсларда ўйин бўйича устунлик қила туриб якунда мағлубиятга учраган бўлса, яна айрим баҳсларда фақат натижа ўхшади. Қисқа қилиб айтганда жамоага барқарорлик етишмади. Бу борада жамоанинг ёш футболчиси Абдуғани Камолов фикрлари билан ўртоқлашди.

- Абдуғани дастлаб мавсум якунлари бўйича хулосаларингиз билан ўртоқлашсангиз. "Андижон"нинг Суперлигадан тушиб кетиши қандай омилларга боғлиқ бўлди?

- Биласиз 2020 йил жамоа Суперлигада қолгач янгитдан жамоа шакллантирилди. Шу боис бир-биримизни тушуниб кетиш қийин кечди. 70 фоиз футболчилар янги ҳисобланади. Биринчи давра охирига келибгина ўз ўйинимизни топдик, деб ўйлайман. Сўнгги тўртта турда мухлисларга ёқадиган ўйин кўрсатдик. Иккинчи даврада жамоамизни Мартин Боаке, Дониёр Абдуманнопов, Жасур Жалолиддинов, Дониёр Исмоилов сингари етакчилар тарк этишди. Қайсидир маънода уларнинг ўрни сезилди. Менимча ёмон ўйин кўрсатганимиз йўқ. "Пахтакор", "Навбаҳор", "Машъал" билан баҳсларда тарихий ғалабалар қўлга киритилди. Айрим беллашувларда кучимиз ва омадимиз етишмади. Дейлик "Қўқон-1912" билан баҳсда 1:0 ҳисобида ғалаба қозонаётганимизда, якунда дуранг ўйнадик. "Насаф", АГМК билан кечган беллашувларда ҳам шундай ҳолат кузатилди. 

- Биринчи даврада тартиб-интизом билан боғлиқ муаммолар бўлган экан...

- Жамоада аҳиллик яхши даражада эди. Албатта Ёрқин Назаров келгач ўйин схемамиз ўзгарди. Ҳужумкор футбол кўрсатишни бошладик. Бунда Ёрқин ва Донёр акани ҳисасси катта бўлди. 

- Иккинчи давра стартига 3 кун қолганда Виктор Кумиков келди. Нима, деб ўйлайсиз у ўзи истаган футболчиларни таклиф қила олмадими ёки жамоадаги бор ижрочилар мураббийнинг услубига мос тушмади?

- Менимча ҳаммаси жойида бўлди. Иккинчи даврада легионерлар ҳисобига кучайтирдик. Яна тактика ҳам ўзгарди. Лекин биз мураббий айтган кўрсатмаларни юз фоиз бажара олмадик. Ҳаммамиз бирдек айбдормиз. Хорижлик футболчиларнинг савияси ёмон эмасди, лекин мослашиб кетишга қийналишди. Уларнинг орасида Пламен Димов яққол ажралиб турди. Ҳақиқий етакчи. 

- Сафар ўйинларига айрим жамоалар учрашув куни боришади ва тикланишга улгуришмайди. "Андижон"да бу борадаги вазият қандай эди?

- Молиявий томондан ҳаммаси яхши. Ҳар бир ўйиндан бир кун олдин бориб дам олишга ва тикланишга вақт ажратиларди. Ҳозир клубнинг олдимизда қарздорлиги йўқ. 

- "Навбаҳор", "Андижон", "Машъал" билан ўйинлардаги тарихий ғалабалардан қайси бирининг аҳамияти катта?

- Ҳар бир очконинг қадри баланд. Ҳар бири ёқимли. 

- Жамоадаги қувноқ ва жиддий футболчи ким?

- Кайфият улашувчи футболчи Иброҳим Отахонов, Мардон Абдуллаев. Жиддий футболчи Абдувоҳид Ғуломов. 

- 18 рақамда тўп тепдингиз. Ушбу рақамда "Барселона"да Хорди Альба тўп тепади...

- Европадан Альбанинг ўйини ёқади. Шу боис 18 рақамни танладим. Ҳозирда "Андижон" билан амалдаги шартномам якунланди ва клуб билан дўстона хайрлашдик. Мухлисларга катта раҳмат айтаман. Жамоанинг яхши ва ёмон кунларида ёлғизлатиб қўйишмади. Клуб раҳбариятига ҳам ҳам миннатдорчилик билдираман. "Андижон"да ўйнаб кетишимга ёрдам берган Ёрқин Назаровга ташаккур. Кейинги қароримни ота-онам, мураббийларим билан маслаҳатлашиб ҳал қиламан.

Абдулазиз Искандаров

Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика