Андижон вилояти ҳокими «Андижон-SGS» жамоаси аъзолари билан учрашди

Бўлажак учрашувга андижонликлар ҳар томонлама пухта тайёргарлик кўришга ҳаракат қилмоқда. Футболчилардаги иштиёқни ошириш, улардаги руҳиятни янада кўтариш мақсадида куни-кеча Андижон вилояти ҳокими Шуҳратбек Абдураҳмонов жамоа аъзолари билан учрашди. 

Жамоа бош ҳомийси «Ширин Газ Сервис» корхона раиси Муқаддас Раҳимова бошчилигидаги «Андижон-SGS» футбол клубини вилоят ҳокими жуда илиқ қарши олди. Учрашувда Шуҳратбек Абдураҳмонов «Андижон-SGS» жамоасини ҳар бири ўйини натижасидан хабардор бўлиб бораётганини, айниқса Ўзбекистон Кубоги саралаш баҳсларида учта баҳсда учта ғалаба қилингани кишини хурсанд қилиб юборганини алоҳида таъкидлаб ўтди. 

Андижон вилояти ҳокими футболчилар билан суҳбатлашиш чоғида улардан келажакда умиди катта эканлигини, шароитлар борасида муаммо бўлмаслигини айтиб ўтди. Шуҳратбек Абдураҳмоновнинг «Андижон-SGS»га қаратаётган бундай эътибори, ўз навбатида расмий учрашувлар олдидан жамоанинг ҳар бир аъзосига қўшимча куч бағишлади.

«Андижон-SGS» матбуот хизмати