UZ

Сўнгги янгиликлар

15:26Суперлига. 4-тур учрашувларини ўтказиб юборадиган футболчилар  0 15:10Маркус Рэшфорд Евро-2024га бора олмаслиги мумкин  0 14:38Парехо Винисиус ҳақида: "Ажойиб спортчи, аммо ўйинчилар ўзини футболга бағишлаши керак. Мени пиёниста дейишарди, лекин бунга эътибор бермаганман ва жавоб қайтармаганман – бундай одамлардан юқорироқ бўлиш зарур"  0 13:47Суперлига. 9та клуб дастлабки 3та турда фақат бир хил формадан фойдаланди. Бунга сабаб нима?  4 13:44"Манчестер Юнайтед" "Реал" футболчисини сотиб олмоқчи  0 13:23Хавининг дисквалификацияси бўйича апелляция рад этилди   1 12:50Ўзбекистон кубогининг саралаш босқичига қуръа ташланди  3 12:15Месси: "ЖЧ-2022да ғолиб бўлмаганимизда, мен терма жамоадан кетардим"  2 11:53Начо ва Васкес "Реал" билан шартномасини узайтиради  2 11:23"Шўртан"нинг мавсумдаги илк ғалабаси қандай қўлга киритилди?   0 10:37Футзал. Терма жамоамиз бугун Қирғиз Республикасига қарши баҳс олиб боради  0 10:00Хави «Барселона»да қолиши мумкин, бироқ бош мураббий сифатида эмас  4 09:24Месси футболдан ташқари яна қайси спорт турларига қизиқишини айтди  13 08:50Про лига. Бугун турнинг марказий учрашуви бор  8 08:34Шеригини «нокаут» қилган Бекмуродов жарима тўлайди. ЎФА Тартиб-интизом қўмитасининг қарорлари эълон қилинди  17

"Андижон" ва "Турон". Суперлига синовидан ким омон чиқади? Янгиликлар

"Андижон" ва "Турон". Суперлига синовидан ким омон чиқади?

Теглар :  АндижонТурон
Мазкур икки жамоани Суперлигада ҳақиқий чин маънодаги синовли учрашувлар кутмоқда, дейиш мумкин.

Ортда қолган учта турда юқоридаги икки жамоа турли натижалар қайд этишди. Кўрсаткичларни барқарор, деб бўлмайди. Албатта йўқотилган очколар ҳозир билинмаслиги мумкин. Олдинда учрашувлар кўп, деб қўйишлари табиий. Аммо уларни кутаётган беллашувлардаги рақиблар бўри мисоли тишларини сайқаллаб туришибди. 


"Андижон"

Қаршида "Насаф"ни енгиб мавсумни ўзига ҳос сенсация билан бошлаган "бургутлар" кейинги икки турда кетма-кет мағлубиятни қабул қилиб олди. "Андижон" ва Хомяков тайёргарликни жиддий қилмаса бўлмайдиганга ўхшамоқда. 4-турда Тимур Кападзенинг "Олимпик" жамоаси меҳмони бўлса, кейинги турда Фарғонада айни пайтдаги чемпионат пешқадами "Нефтчи"га қарши майдонга чиқади. Жамоа локациясини ўзгартирмайди, кейинги бекат юлдузли таркибга эга Наманганнинг "Навбаҳор" жамоаси. Мана шу учта ўйин ҳозирданоқ "Андижон"нинг тушларига кираётган бўлса керак. Унутмаслик керакки, "Андижон" Суперлигадаги сўнгги бор иштирок этган 2021 йилги мавсумида Намангандан уч очко билан қайтган эди ("Навбаҳор" - "Андижон" 0:1). 

03.04.2023. "Олимпик" - "Андижон"

08.04.2023. "Андижон" - "Нефтчи"

14.04.2023. "Навбаҳор" - "Андижон"

"Турон"

Ҳамма ҳавас қиладиган, база, стадион, машғулот майдони умуман футбол учун керакли барча нарсага эга "Турон" ҳам ҳали ғалабалар сонини очиб олгани йўқ. Таркибдаги футболчилар бундан кўпроғига қодир. "Бухоро" ва "Сурхон" билан баҳсларда уч очко олишлари имконияти юқори баҳоланганди. Қисқаси, ўз қўлидаги ошни рақиблар билан баҳам кўриб бироз меҳрибонлик қилиб юборди. Лекин навбатдаги турларда яйпанликлар ҳам жиддий зарбаларга тайёр туриши керакка ўхшайди. ФИФА кунларидаги ҳордиқдан сўнг "Турон" Тошкентга сафар қилади ва "Бунёдкор" билан учрашади. "Қалдирғочлар" айни пайтда ўйин сифати ва натижа бўйича ҳам жуда яхши ҳолатда. Уларнинг ҳисобида 9 очко бор. 5-турда ўз майдонида "Олимпик"ни қабул қилади. Бу жамоага ортиқча таъриф шарт эмас. Барчаси маълум. Бир томондан тақдирлар "Андижон" билан ўхшаш, фақат бу клуб бир тур олдин "Бунёдкор" билан ўйнаб бўлди (0:3). Бахтиёр Ашурматов бригадаси "Нефтчи" ва "Навбаҳор" имтихонидан ўтишларига тўғри келади. Орада кубок баҳслари ҳам бор. Чемпионатда "Бухоро"дан учралган мағлубият аламини кубокда олиш вазифа ҳам турибди. Қўрқинчили туш. 


Тақвимга қараймиз. 

02.04.2023. 4-тур. "Бунёдкор" - "Турон"

07.04.2023. 5-тур. "Турон" - "Олимпик"

17.04.2023. 6-тур. "Нефтчи" - "Турон"

23.04.2023. 7-тур. "Турон" - "Навбаҳор"

 

Юқоридагилардан фарқли равишда навоийликлар кетма-кет 2та жиддий рақиб билан куч синашишади. Булар "Насаф" ва "Пахтакор". Ҳар иккиси таркиб ва жамоа нуқтаи назаридан бир бош устун клублар ҳисобланиши маълум. Футболда кутилмаган натижалар рўй бериши мумкин. Лекин вазиятга реалроқ қарашни мақсад қилдик. Барча курашсин, бир-бирига жанг таклиф қилсин. Шундагина биз фақат терма жамоа эмас, ички чемпионатимиз орқали ҳам мухлисларни жалб қила оламиз. Марҳамат майдон сизники, бор ҳунарингизни ишга солинг, тамом. 


Муаллиф : Iskandarov Abdulaziz
Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика