"Андижон" тарихий натижа арафасида, Наманганда "Навбаҳор" "қирол". Шацких Бердиевни юта оладими?

- "Сўғдиёна" 3 йилдан бери "Металлург" майдонида ғалаба қозона олмаяпти. Жамоа сўнгги бор 2021 йилги мавсумда ортга ғалаба билан қайтган (2:0). 

- "Пахтакор" 2 йилдан буён "Насаф"ни мағлуб эта олмаяпти. "Шерлар" охирги маротаба 2021 йил Питер Хюистра даврида рақибидан устун келган (1:0). 

- Максим Шацких "Пахтакор" мураббийи сифатида ҳали "Насаф"дан 3 очко тортиб олишни уддасидан чиққани йўқ, 4 ўйин, 2 дуранг, 2 мағлубият. 

- ОКМК 5 йилдан бери Наманганда ғалаба нималигини билаётгани йўқ. "Кончилар" охирги маротаба меҳмонда 2019 йил "Навбаҳор" устидан зафар қучган (1:0). Кейинги 4 учрашувда Қосимов шогирдлари фақат 1та гол урган, холос. 

- "Андижон" 2-турда тарихий натижа қайд этиши мумкин. "Бургутлар" шу кунгача "қалдирғочлар"ни умуман юта олмаган. 26 та ўйиннинг 6 таси дуранг, 20 таси "Бунёдкор"нинг ғалабаси билан тугаган. 

- "Динамо" Суперлига доирасида "Нефтчи"ни 7 йилдан бери юта олмаяпти. Самарқандликларнинг сўнгги ғалабаси 2017 йил юз берган (1:0). 

- "Нефтчи" сўнгги бор "Динамо" майдонида 2015 йил ғалаба қозонган. 

- "Сурхон" жамоаси "Қизилқум"ни сўнгги маротаба 2020 йилги мавсумда ютган (2:1).