“Андижон” Асрор Ғофуров билан шартнома имзолади
04 фев 2019 15:54
Янгиликлар
“Андижон” Асрор Ғофуров билан шартнома имзолади
Асли ўзбекистонлик бўлган, аммо сўнгги йилларни Туркиянинг турли лигаларида ўтказиб келаётган легионеримиз Асрор Ғофуров жорий мавсумдан фаолиятини Ўзбекистон Суперлигасида давом эттирадиган бўлди.
Иқтидорли футболчи яқинда “Андижон” жамоаси билан расман келишувга эришди.
Маълумот учун, Асрор Ғофуров 1995 йил 30 январ куни Сурхондарё вилоятида таваллуд топган. “Пахтакор” футбол академияси тарбияланувчиси ҳисобланади. 2015 йили Ғофуров Туркиянинг “Манисаспор” клубига кўчиб ўтганди. Кейинчалик Асрор у ерда бир қатор жамоалар шарафини ҳимоя қилди.
24 ёшли футболчи майдонда марказий ярим ҳимоячи ва ўнг қанот ярим ҳимоячиси вазифасини бирдек бажара олади. Сўнгги пайтларда Ғофуров асосан марказий ярим ҳимоячи сифатида ўйнаб келган. Унинг Туркиядаги охирги жамоаси “Ичелспор” ҳисобланади.
Ўхшаш янгиликлар
championat.asia
"Барселона" "Реал" дарвозасига 5та гол уриб Испания Суперкубогини қўлга киритди
Селюк: "Ҳусанов қанақасига 50 млн туради? Максимум – 20!"
Анчелотти «Эл Классико»даги йирик мағлубият сабабини маълум қилди
Криштиану Роналдунинг келажаги маълум
Фикрлар