Анчелотти дунёнинг энг кучли учта ҳужумчиси номини айтди
09 ноя 2016 14:48
Янгиликлар

Анчелотти дунёнинг энг кучли учта ҳужумчиси номини айтди

"Бавария" бош мураббийи Карло Анчелотти "Tuttosport" нашрига берган интервьюсида бир қатор қизиқарли мавзуларда ўз фикрларини билдирган.

- Кингсли Команнинг келажаги "Бавария"да. Биз унга ишоняпмиз. Команни "Ювентус"га қайтармаймиз.
Бенатия? Футболчи Италияга қайтишни истаганди ва унинг истагини қондирдик. Бенатиянинг ўйинига ёки кучига ҳеч қачон шубҳа билан қарамаганман.

Игуаиннинг трансфер нархи? "Ювентус" "Наполи"га тўлаган пулларига куймади. Игуаиннинг трансфер қиймати тўғри баҳоланди, деб ўйлайман. Игуаин сингари ҳужумчилар жуда қиммат туради. Дунёдаги учта энг кучли марказий ҳужумчилар булар - Игуаин, Суарес ва Левандовски.

Неймар ва Дибала Месси ҳамда Роналдунинг меросхўрлари бўлиши мумкин. Пауло яқин йиллар ичида "Ювентус"нинг янги тарихини яратади.

Европа чемпионлар лигасида ушбу мавсумда "Бавария", "Ювентус", "Реал", "Барселона", "Атлетико", "Манчестер Сити" ва ПСЖ жамоалари ғолиблик учун курашади. Шахсан мен "Ювентус" билан ярим финалда учрашишни истардим.

Галлиани? Мен клубга футболчиларни таклиф қиламан, аммо менежерларни танлаш мени ваколатимга кирмайди. Галлиани "Милан"нинг тарихини яратган ажойиб мутахассис саналади. Галлианининг "Бавария"га келиши ҳақида бирор нарса дея олмайман.

Ҳавола :

Манба : Tutto Sport

Янгиликларни Телеграмда ўқинг!

Рейтинг: +14