Ана холос, "Динамо" ўнта ўйиндан бери гол ура олмаяпти

Шундай қилиб "Динамо"нинг кетма-кет ўйинлардаги голсиз серияси 10та учрашувга етди. Бу жамоа охирги марта биринчи давранинг 13-турида "Нефтчи"ни 3:2 ҳисобида мағлуб этиб қайтганди. Шундан бери "Динамо" қаторасига 10та ўйинда рақиблар дарвозасига тўп кирита олмади, табиийки гол бўлмаганидан кейин ғалаба ҳам бўлмайди. 

Қизиғи шундаки, "Динамо" иштирокидаги ўнта ўйиндан бештаси 0:0 ҳисобида якун топган. Қолаверса, жамоа "Навбаҳор"га 0:1, "Локомотив" ва "Бунёдкор"га 0:2 ҳамда "Металлург"га 0:3 ҳисобида имкониятни бой берди. 

Умумий ҳисобда самарқандликлар бу йилги чемпионатда 18та гол уриб, ўз дарвозаларидан 25та тўп ўтказиб юборишган. "Динамо" ҳозиргача уйда ва сафардаги беллашувларда бир хил 9тадан гол урган. Эслатиб ўтамиз, бу жамоа жорий мавсумни кетма-кет учта ғалаба билан бошлаганди.