Аллегри “Ювентус” бош мураббийлигидаги сўнгги матбуот анжуманида нималар деди?

“Мен ғолиблардан ташкил топган жамоани қолдириб кетяпман. “Ювентус” келаси мавсум ҳам бемалол Италия чемпиони бўлиши мумкин. Бу ҳақда юз фоиз бўлмаса-да, камида саксон фоиз аниқ деб гапириш мумкин. Мен ҳеч нарсадан афсусланмайман. Менга ушбу ажойиб жамоани қуришда ёрдам берган барчага раҳмат. Жамоанинг барча аъзоларига — стадион майсасига жавобгар ходимлардан тортиб, энг катта раҳбарларгача раҳмат айтаман. “Ювентус” раҳбарияти каминага ҳар доим ғалабага керак бўлган ресурсларни тақдим эта олди”,—дейди Аллегри.