Алишер Юсупов: «Андижон»га қарши осон ўйин бўлмайди»
14 май 2016 11:15
Янгиликлар

Алишер Юсупов: «Андижон»га қарши осон ўйин бўлмайди»

Олий лига тўққизинчи туридан жой олган «Қизилқум» — «Андижон» жамоалари баҳси олдидан мезбонлар ҳимоячиси Алишер Юсупов ўз фикрлари билан ўртоқлашди.

—Бизни олдинда «Андижон» жамоасига қаршиқийин учрашув кутиб турибди, — дейди Алишер Юсупов. — Кетма-кет икки мағлубиятдан кейин бугун мухлислар ишончини оқлашга уринамиз, албатта. Рақибимиз билан Ўзбекистон кубоги 1/8 финал дастлабки учрашувида ўйнаб кўрдик. Бахтиёр Ашурматов тажрибали мураббий ва у жамоани бир қатор моҳир футболчилар билан шакллантира олган. Биз ҳам бўлажак учрашувга муносиб тайёргарлик кўра олдик.

Навоийда бугун қизиқарли ва шиддатли ўйин гувоҳи бўлишига шубҳам йўқ. Қолаверса, мавсум бошидан бери стадионимиз мухлислар билан тўлиб-тошяпти. Биз майдонда рақибга қарши бор куч ва маҳоратимизни ишга солиб ўйнаймиз. Ишонаманки, учрашувдан сўнг мухлисларимиз уйларига хурсанд кайфиятда қайтишади.

«Қизилқум» ПФК матбуот хизмати.

Ҳавола :

Манба : championat.asia

Янгиликларни Телеграмда ўқинг!

Рейтинг: +2