Алексей Евстафеев: "Биринчи бўлимда ҳеч нарса ўхшамади. Бу нима билан боғлиқлигини билмайман"

Ўйин ҳақида

- Ўйин жамоа учун қийин ўтди. Айниқса, биринчи бўлимда ҳеч нима ўхшамади, жамоавийлик ҳам, бир-бирини тушуниш ҳам. Бу нима билан боғлиқлигини билмадим. Буни кўриб чиқамиз. Асосийси - бугун ғалаба қозондик, уч очко муҳим эди. 

- "Юниред"га қарши ўйинда асосий таркибни танлашда адашганингизни айтгандингиз. Бу сафар асосий таркибда нималарни ўзгартирдингиз ва бу ўзини оқладими?

- "Юниред" билан нафақат асосий таркиб нотўғри танланди, балки, бир қанча футболчилар майдондаги функцияларини бажаргани йўқ. Ўша ўйинда режаларни ўзгартиришга мажбур бўлдик. Шу боис яхши ўйин кўрсатишга қийналдик. Бугун эса ўзимизнинг эски схемамизга қайтдик. Бу схема йигитларга яхши таниш. Билмадим, балки, йигитларнинг рухий ҳолати ўйинга тайёр бўлмагандир. 

- Зафар Полвоновнинг асосий таркибда тушмаётгани, кўп имкон берилмаётгани унинг ёши билан боғлиқми?

- Ҳа, албатта. Унинг бу ёшида барча чарчагандан кейин майдонга тушгани маъқулроқ. Шундай пайтда у ўйинни кучайтирмоқда. Умуман олганда бу тактик юриш - бизда доимо ушбу вариант бўлади. У қачонки майдонга тушса, ўйинимизда кучайиш кузатилади. Ўз навбатида рақибларга миннатдорлик билдираман. Гарчи камчилик бўлишса-да, бизга яхшигина муаммолар яратишди ва бизга қийин бўлди. Уларнинг ўйини яхши, шунчаки омад келмади.