Александр Хомяков: “Машъал" мухлисларини стадионга чақираман”
28 апр 2018 21:36
Янгиликлар

Александр Хомяков: “Машъал" мухлисларини стадионга чақираман”

ПРО-лиганинг 5-туридан ўрин олган "Машъал" - "Истиқлол" (2:1) ўйинидан кейин ташкил этилган матбуот анжуманида мезбонлар бош мураббийи Александр Хомяков ўз фикирларини билдирди.

"Бугун ўйин жуда асабий кечди. Биринчи бўлимда иккита 100 фоизлик имкониятдан фойдалана олмадик, лекин бўлим сўнггида гол уришга эришдик. Иккинчи бўлимда рақибларимиз анча яхши ўйин намойиш этишди. Кўплаб имкониятлар яратишди ва гол ҳам уришди. Ахир айтишадику сен урмасанг сенга уришди деб. Аммо биз бугун ғалаба қозонишимиз керак эди ва яна гол уришни уддаладик. Барча мухлисларимизни ушбу ғалаба билан табриклайман. Уларни стадионга келиб бизни қўллаб-қувватлашга чақираман", - дейди Хомяков.