Александр Хомяков: "Ҳафсалам пир бўлди"
03 май 2025 22:41
Янгиликлар

Александр Хомяков: "Ҳафсалам пир бўлди"

Суперлига 8-туридан ўрин олган ОКМК - "Андижон" (4:3) баҳсидан сўнг меҳмонлар бош мураббийи Александр Хомяков матбуот анжуманида иштирок этди.

"Ҳафсалам пир бўлди. Биринчи бўлимни ёмон ўтказмадик, аммо танаффусдан сўнг ҳисобни ушлаб қола олмадик. Рақиб сўнгги дақиқаларда кўп голлар уришидан хабардор эдик. Ўз ҳужумларимизни ҳам ривожлантира олмадик. Фақатгина умидсизлик ҳисси бор", - деди Александр Хомяков бугунги баҳс ҳақида.

- Рақиб ўйинига қандай баҳо берасиз?

- Биз рақиб жамоа сўнгги дақиқаларда кўплаб голлар уришини билар эдик. ОКМК ҳар доим ҳужум қилишга интиладиган жамоа. Бир киши кўп бўла туриб, рақибга ҳеч қандай ноқулайлик ярата олмадик. Ваҳоланки, биз ўйинни назорат қилишимиз керак эди. Биз қанотларни бой бериб қўйдик ва курашларда мағлуб бўла бошладик. Рақиб ўз ўйинини ўтказа олди ва ғалаба қозонди. Уларни ғалаба билан табриклайман.

Ҳавола :

Манба : championat.asia

Янгиликларни Телеграмда ўқинг!

Рейтинг: -14